روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ «Astana مusical» مەملەكەتتىك تەاترى «روزا باعلانوۆا» ميۋزيكلىن قويدى.

ميۋزيكلدە كسرو جانە قازاقستاننىڭ حالىق ءارتىسى روزا باعلانوۆانىڭ بالا كەزى مەن جاستىق شاعى، سوعىس جىلدارى، شىعارماشىلىق جولى باياندالادى. ءان پاديشاسىنىڭ تاعدىرى، ونىڭ ەرلىگى مەن وتانعا دەگەن سۇيىسپەنشىلىگى قويىلىمدا شەبەر كورسەتىلدى.

ميۋزيكلدىڭ ءار كورىنىسى - ءانشى ءومىربايانىنىڭ تەك ەپيزودى عانا ەمەس، شەكسىز تالانتى، مىقتى رۋحى جانە وتانعا دەگەن شەكسىز ماحابباتى كورىنىس تاپقان شىنايى ەموتسيالار. كورەرمەن تەك ءانشىنىڭ شىعارماشىلىق جولىنىڭ جارقىن تۇستارىن عانا ەمەس، سونىمەن قاتار مايدان كۇندەرى، شىعارماشىلىق جەتىستىكتەرى مەن ونەرگە دەگەن جانكەشتىلىگىنە كۋا بولادى. تەاتر ارتىستەرى ميلليونداعان جاننىڭ جۇرەگىنەن ورىن تاپقان، ەڭ قيىن ساتتەردە ءۇمىت سىيلاعان ءانشىنىڭ بەينەسىن اسەرلى مۋزىكالىق نومىرلەر، جۇرەك تەبىرەنتەر مونولوگتار مەن كەربەز حورەوگرافيا ارقىلى جەتكىزەدى.

بۇل قويىلىم وڭتۇستىك كورەيانىڭ تەگۋ قالاسىندا وتكەن XVII حالىقارالىق ميۋزيكل فەستيۆالىندە «ۇزدىك حالىقارالىق ميۋزيكل» جانە «ۇزدىك ايەل بەينەسى» اتتى ەكى بەدەلدى ماراپاتقا يە بولدى.

روزا باعلانوۆا ءرولىن زارينا ماكينا، ىدىرىستى (روزا باعلانوۆانىڭ ءىنىسى) اسحات بايتلەۋ سومدادى. قويۋشى-رەجيسسەرى – «Astana Musical» مەملەكەتتىك تەاترىنىڭ كوركەمدىك جەتەكشىسى - ەسلام نۇرتازين. كومپوزيتورى – قازاقستاننىڭ ەڭبەك سىڭىرگەن قايراتكەرى – ارتۋر ورەنبۋرگسكي.

Abai.kz