سارسەنبى, 22 قازان 2025
جاڭالىقتار 248 0 پىكىر 21 قازان, 2025 ساعات 14:50

2026 جىلى ۇيالى بايلانىس تاريفتەرى قىمباتتايدى

سۋرەت: Qamshy.kz سايتىنان الىندى

2026 جىلى Beeline, Tele2 جانە ALTEL بايلانىس وپەراتورلارى تاريفتەرىن شامامەن 20 پايىزعا ارتتىرادى. بۇل تۋرالى اتالعان وپەراتورلاردىڭ وكىلدەرى ۇكىمەتتەگى بريفينگ بارىسىندا مالىمدەدى.

Beeline Kazakhstan كومپانياسىنىڭ پرەزيدەنتى ەۆگەنيا ءناستراديننىڭ ايتۋىنشا، وپەراتور باعالاردى جىلىنا ءبىر رەتتەن ءجيى وزگەرتپەيدى.

كەلەسى جىلى ەلەۋلى وزگەرىس كۇتىلۋدە، بۇل – ققس مولشەرلەمەسىنىڭ ءوسۋى. بۇل سالاعا 35-40 ملرد تەڭگە شاماسىندا ىقپال ەتەتىن ماڭىزدى فاكتور. سول سەبەپتى ءبىز قاڭتار ايىندا تاريفتەردى قايتا قاراۋدى جوسپارلاپ وتىرمىز. بيىل كليەنتتەرگە قوسىمشا قىمباتتاۋ بولمايدى دەپ ويلايمىن. باعا شامامەن 15–20 پايىز ارالىعىندا كوتەرىلەدى، – دەدى ەۆگەني ناسترادين.

ال Tele2/ALTEL وپەراتورىنىڭ باسقارما توراعاسى الەكساندر بابيچەۆ تە كومپانيانىڭ ەلدەگى ەكونوميكالىق بولجامداردى، سالىق ساياساتىن جانە ينفلياتسيا دەڭگەيىن تالداپ وتىرعانىن ايتتى.

ءبىز ۆاليۋتالىق باعامنىڭ ديناميكاسىن جانە كليەنتتەرگە تۇراقتى، ساپالى قىزمەت كورسەتۋ ءۇشىن قاجەت ينۆەستيتسيالار كولەمىن ەسكەرەمىز. تاريفتەردى 15–20 پايىز شاماسىندا تۇزەتۋ مۇمكىندىگىن قاراستىرىپ وتىرمىز، – دەدى ول.

ال Kcell باسقارما توراعاسى ءارى باس اتقارۋشى ديرەكتورى اسكار جامباكين جۋرناليستەردىڭ سۇراعىنا جاۋاپ بەرە وتىرىپ، كومپانيا ءتيىستى ەسەپتەۋلەر جۇرگىزىپ جاتقانىن اتاپ ءوتتى. ەگەر جوسپارلى وزگەرىستەر ەنگىزىلسە، ابونەنتتەر زاڭ تالاپتارىنا ساي الدىن الا حاباردار ەتىلەدى.

ءوز كەزەگىندە جاساندى ينتەللەكت جانە تسيفرلىق دامۋ ۆيتسە-ءمينيسترى دوسجان مۇساليەۆ مەملەكەت ۇيالى بايلانىس قىزمەتتەرىنە باعا بەلگىلەمەيتىنىن ەسكە سالدى.

كاسىپكەرلىك كودەكسكە سايكەس، 2017 جىلى ءموبيلدى بايلانىس تاريفتەرىن مەملەكەتتىك رەتتەۋ الىنىپ تاستالدى. بۇل باسەكەلەستىكتى دامىتۋ ءۇشىن جاسالعان شەشىم، – دەدى ول.

Abai.kz

 

0 پىكىر

ۇزدىك ماتەريالدار

46 - ءسوز

پروفيلاكتيكا بىتوۆوگو ناسيليا

الماز ەششانوۆ 1024
قاۋىپ ەتكەننەن ايتامىن

جاۋ جوق دەمە – جار استىندا...

قۋات قايرانباەۆ 10359