Threads الەۋمەتتىك جەلىسىندە «زامانداس» جوباسىنىڭ اۆتورى قانات بەيسەكەەۆتىڭ توڭىرەگىندەگى شايقاس اڭگىمە تولاستاماي جاتىر. ەستەرىڭىزدە بولسا، الماتى كلۋبتارىنىڭ بىرىندە وتكەن Stand Up شوۋىنىڭ «پروجاركا» شىعارىلىمىندا قوناقتار قانات بەيسەكەەۆتى جەردەن الىپ جەرگە سالعان بولاتىن.

شوۋ بارىسىندا اسحات نيازوۆ («وبوجايۋ» جوباسىنىڭ اۆتورى) قازاقتىڭ ۇلتتىق باس كيىمى تۋرالى قالجىڭداپ، «رۋسلان ناستولكو كازاح چتو داجە نا چل*نە نوسيت تيۋبەتەيكۋ» دەگەن ەدى. مۇرات دانيار (Jurttyn Balasy) ەسىمدى تاعى ءبىر بلوگەر قان شاپقان قاڭتار تاقىرىبىندا ازىلدەدى.

تۇسىنىكسىز ازىلدەر الەۋمەتتىك جەلىدە نارازىلىق تولقىنىن تۋدىرىپ، قازاقستاندىقتار ءساتسىز ازىلكەشتەردىڭ وزدەرىن جانە قانات بەيسەكەەۆتى ساحنادان الىپ تاستاۋعا شاقىرا باستادى.

Ulysmedia پورتالىنىڭ باس رەداكتورى سامال يبراەۆا دا قالىس قالعان جوق، ونىڭ سايتىندا كۇلدىرگىلەرگە قاتىستى جاعا ۇستاتار ماتەريالدار جاريالانىپ، ال يبراەۆا ءوزىنىڭ Threads پاراقشاسىندا كەلەسىدەي پوست جازعان: «جەلتوقسان، جاڭاوزەن، قاڭتار… ولجاستار، اسحاتتار، كانالار قازاقتىڭ شىنايى مۇڭىن، جاراسىن، تراۆماسىن ەشقاشان تۇسىنبەگەن جانە تۇسىنبەيدى دە…»

سۋرەت: سكرين.

جازبا پىكىر بىلدىرۋشىلەر تاراپىنان جىلى قابىلدانىپ، ماقۇلدانعان رەاكتسيا تۋدىرسا دا قانات بەيسەكەەۆتىڭ وزىنە ۇناماعان سياقتى.

پوست استىندا ول «سامال، قويش وسىنى» دەگەن پىكىر دە قالدىرعان.

سۋرەت: جەلى سكرينى.

الماتىلىق جۋرناليست اسەم جاپىشەۆا دا سامال يبراەۆانىڭ جازباسىنا بەرگەن تۇسىنىكتەمەسىندە مىناداي پىكىر قالدىرعان: «ارتىق كەتتىڭ».

ال پىكىر قالدىرۋشىلاردىڭ دەنى جازبا اۆتورىن قولداپ، قانات بەيسەكەەۆ، اسحات نيازوۆ، مۇرات دانيار سىندى ازىلكەشتەردىڭ قازاق حالقى ءۇشىن اۋىر تاقىرىپتارعا قالجىڭداماس بۇرىن، ەڭ بولماعاندا، قازاقستان تاريحىن عانا ەمەس، قازاق ءتىلىنىڭ ءوزىن ۇيرەنۋى كەرەكتىگىن اتاپ ءوتتى.

Abai.kz