اقتوبەدە موبيلدىك «bingo37.pro» قوسىمشاسى ارقىلى زاڭسىز ويىن بيزنەسىن ۇيىمداستىرىپ، قىلمىستىق كىرىستەردى زاڭداستىرعان ۇيىمداسقان توپتىڭ ۇيىمداستىرۋشىلارى مەن قاتىسۋشىلارىنا قارسى سوت ۇكىمى شىعارىلدى.

قاتىسۋشىلاردان تۇسەتىن اقشا اۋدارىمدارىن وپەراتورلار قابىلداپ، ولاردى پلاتفورمادا تىركەپ، اربىرىنە «لوگين»، «پارول» جانە ويىندارعا كىرۋگە سىلتەمە بەرىلگەن.

زاڭسىز ونلاين كازينونىڭ كۇن سايىن 150 000-نان 200 000-عا دەيىن ءتۇسىپ وتىرعان. قىلمىستىق كىرىستەردى جىلىستاتۋ ماقساتىندا الاياقتار «دروپپەرلەردى» تارتقان، ياعني بانكتىك كارتالارى ارقىلى اقشانى قولما قول اينالىمعا وتكىزگەن.

ايتا كەتسەك، ۇيىمداستىرۋشىلارىنىڭ ءبىرى 2020 جىلى ءدال وسىنداي قىلمىس بويىنشا قولعا ءتۇسىپ، جازالانعان بولاتىن، بىراق سوعان قاراماستان زاڭسىز قىزمەتىن توقتاتپاعان.

سوت ۇكىمىمەن توعىز كىنالى ادامعا 2 جىلدان 9 جىلعا دەيىن باس بوستاندىعىنان ايىرۋ جازاسى تاعايىندالدى. سونىمەن قاتار قىلمىستىق كىرىستەرگە الىنعان ءۇش اۆتوكولىك تاركىلەندى.

Abai.kz