ۇكىمەت وتىرىسىندا كولىك ۆيتسە-ءمينيسترى ماقسات قالياقپاروۆ تەمىجول ۆوكزالدارىن جاڭعىرتۋ جانە كۇردەلى جوندەۋ جۇمىستارىنىڭ بارىسى تۋرالى ايتىپ بەردى.

ول بۇل جوبانىڭ تاپسىرىس بەرۋشىسى – «قازاقستان تەمىرجولى» ۇلتتىق كومپانياسى ەكەنىن، ال مەردىگەر ۇيىمدار جەرگىلىكتى اتقارۋشى ورگاندار تاراپىنان ۇسىنىلعانىن ايتتى.

«قازىرگى ۋاقىتتا 100 نىسان بويىنشا جوبالىق-سمەتالىق قۇجاتاما مەملەكەتتىك ساراپتامادان وتۋدە. قىس مەزگىلىنە دايىندىق قامتاماسىز ەتىلگەن. جولاۋشىلارعا ارنالعان ۋاقىتشا قۇرىلىستار مەن كۇتۋ ايماقتارى ءازىر. 124 نىساننىڭ 121-ىندە قۇرىلىس-مونتاج جۇمىستارى جۇرگىزىلۋدە. ال قالعان 3 ۆوكزال بويىنشا تاريحي-مادەني مۇرا نىساندارى رەتىندە عىلىمي-زەرتتەۋلەر جاعاسۋدا. ول نىساندارعا جوندەۋ 2026 جىلى جۇرگىزىلەتىن بولادى»، - دەدى ۆيتسە-مينيستر.

ونىڭ ايتۋىنشا ۆوكزالداردىڭ شامامەن 70%-ى وتىز جىلدان استام ۋاقىت بويى جوندەۋ كورمەگەن. تەحنيكالىق تەكسەرۋلەر ناتيجەسىندە كەيبىر تىرەۋىش باعاندار مەن جەكەلەگەن كونسترۋكتسيالاردا ارى قاراي پايدالانۋعا جارامسىز اقاۋلار انىقتالعان. وسىعان بايلانىستى 42 نىسان تولىقتاي بۇزىلدى.

«بيىل 80-نەن استام ۆوكزال پايدالانۋعا بەرىلەدى. جەرگىلىكتى اتقارۋشى ورگاندار مەن مەردىگەر ۇيىمدار قۇرىلىس-مونتاج جۇمىستارىنىڭ قارقىنىن كۇشەيتۋى قاجەت»، - دەدى ول.

Abai.kz