6–10 قاراشا كۇندەرى قىرعىزستاننىڭ بىشكەك قالاسىندا سامبودان الەم چەمپيوناتى ءوتتى.

ءدۇبىرلى دوداعا 70 ەلدەن 466 سپورتشى قاتىستى. جارىس حالىقارالىق سامبو فەدەراتسياسىنىڭ (FIAS) قولداۋىمەن «گازپروم – بالالارعا» دەنە شىنىقتىرۋ-ساۋىقتىرۋ كەشەنىندە ءوتىپ، حالىقارالىق سپورت كۇنتىزبەسىندەگى ەڭ ءىرى وقيعالاردىڭ ءبىرى بولدى.

قازاقستان ۇلتتىق قۇراماسىنىڭ سپورتشىلارى جوعارى دەڭگەيدە ونەر كورسەتىپ، جالپىكوماندالىق ەسەپتە ەكىنشى ورىنعا يە بولدى. وتانداستارىمىز 2 التىن، 2 كۇمىس جانە 8 قولا مەدال جەڭىپ الدى.

قازاقستان قۇراماسىنىڭ جەڭىمپازدارى مەن جۇلدەگەرلەرى:

سپورتتىق سامبو: 79 كگ – ەركەبۇلان نەگمەتوۆ – كۇمىس 71 كگ – ارنۇر قۋاتاي – قولا 64 كگ – جاندوس بەيسەنباەۆ – قولا 50 كگ – مارگاريتا باجاەۆا – قولا 80 كگ – ءمادينا ەرجان – قولا.

جاۋىنگەرلىك سامبو: 59 كگ – مارجان بيزاق – التىن 71 كگ – نيەتحان تولەۋحان – التىن 80 كگ – ۇلبولسىن ءادىلوۆا – كۇمىس 58 كگ – ارمان تۇرىمبەتوۆ – قولا +98 كگ – تالعات جيەنتاەۆ – قولا 50 كگ – جادىرا پايىز – قولا +80 كگ – ءنۇريلا اسانقىزى – قولا.

ءاربىر مەدال – سپورتشىلاردىڭ تاباندىلىعى، كاسىبي شەبەرلىگى جانە ءوز ىسىنە دەگەن ادالدىعىنىڭ ناتيجەسى. سونىمەن قاتار جاتتىقتىرۋشىلار قۇرامىنىڭ جۇيەلى ەڭبەگىنىڭ جەمىسى.

مينيسترلىك سامبونى ودان ءارى دامىتۋعا، سپورت ينفراقۇرىلىمىن جەتىلدىرۋگە، جاس تالانتتاردى قولداۋعا جانە قازاقستاننىڭ حالىقارالىق سپورت ارەناسىنداعى بەدەلىن نىعايتۋعا باعىتتالعان جۇمىستاردى جالعاستىرادى.

Abai.kz