الەۋمەتتىك جەلىدە ءبىر توپ ازاماتتىڭ ءماجىلىس دەپۋتاتى ارداق نازاروۆ شىعارعان اباي تۋرالى كىتاپتى تالقىلاۋى داۋ تۋدىردى.

كىتاپتى تانىستىرۋشى ازامات: «بۇل كىتاپقا ابايدىڭ ءوز قولجازباسى ەندى»، دەپ جۇرتتى «تاڭعالدىردى».

ابايتانۋشى زەرتتەۋشىلەردىڭ ايتۋىنشا، ابايدىڭ شىعارمالارى (ولەڭدەرى، «قارا سوزدەرى» ت.ب.) تۇپنۇسقا ەمەس. نەگىزىنەن كەيىنگى زيالىلار كوشىرمەلەر ارقىلى ساقتاپ كەلگەن. مىسالى، اكادەميالىق جيناقتار كوبىنەسە مۇرسەيىت بىكەۇلى 1906–1910 جج. جاساعان كوشىرۋلەرىنە نەگىزدەلگەن.

سونىمەن قاتار، اراب گرافيكاسىمەن كوشىرۋلەردى جاساعان سادۋاقاس شورمانوۆ، تولەۋ تۇگەلبايۇلى، شەريازدان مارساكوۆ جانە باسقالار. بۇل ياعني «اباي ءوزى قاعازعا جازعان تۇپنۇسقا قولجازبا» كوپ جاعدايدا بىزگە جەتپەگەن، ال بىزگە جەتكەنى نەگىزىنەن كوشىرمەلەر دەگەن ءسوز.

ارداق نازاروۆ شىعارعان كىتاپتاعى قولجازبا سوندا قانداي قولجازبا بولدى؟ وسىعان بايلانىستى ءبىز ابايتانۋشىلارعا حابارلاسىپ كوردىك.

اسان وماروۆ جەلىدەگى جازباسىندا بىلاي دەدى: «بۇل جەردە مۇرسەيتتىڭ ءۇش قولجازباسى ءسوز بولىپ تۇر. سول ۇشەۋىنە قايتادان ۇڭىلىپ，كيريلليتساعا ءتۇسىرۋدى ۇيىمداستىرعان اقجول دەگەن عالىم جىگىت. بۇل ەڭبەكتى جوققا شىعارۋعا بولمايدى. قازىرگى نۇسقاسىندا قاتەلىكتەر ءورىپ ءجۇر. كەڭەس زامانىندا جىلى جاۋىپ قويا سالعانى وتىرىك ەمەس».

ءبىز سونىمەن بىرگە ابايتانۋشى جابال شويىنبەتكە جانە وسى سالاعا قاتىستى زەرتتەۋ جاساپ جۇرگەن ەركىن شۇكىمان مەن ەلدوس توقتاربايعا دا حابارلاستىق. ولار ءبىر اۋىزدان «الدىمەن كىتاپتى قولعا ءتۇسىرىپ وقيىق، سوسىن پىكىر ايتامىز»، - دەستى.

Abai.kz