ۇلتتىق گۆارديانىڭ ەكى قىزمەتكەرى اۋرۋحاناعا جەتكىزىلدى.

اقش پرەزيدەنتى دونالد ترامپ اق ءۇي ماڭىندا بولعان اتىستى تەررورلىق ارەكەت دەپ اتادى. 

بەلگىلى بولعانداي، اق ءۇيدىڭ ماڭىندا بەلگىسىز ادام ۇلتتىق گۆارديانىڭ ەكى قىزمەتكەرىنە وق اتقان. ولار اۋرۋحاناعا جەتكىزىلدى.

ترامپ اۋعانستاننان اقش-قا كەلگەن بارلىق ادامدى تەكسەرۋ قاجەت ەكەنىن ايتتى. سەبەبى اق ءۇيدىڭ ماڭىنداعى اتىسقا 29 جاستاعى اۋعانستان ازاماتى كۇدىكتى دەپ تانىلدى.

ء"بىز بايدەننىڭ كەزىندە اۋعانستاننان ەلگە كىرگەن بارلىق شەتەلدىكتى تەكسەرۋىمىز كەرەك. سونداي-اق بۇل ەلگە پايداسى جوق، مۇندا بولۋعا لايىق ەمەس كەز كەلگەن شەتەلدىككە قاتىستى بارلىق قاجەتتى شارالاردى قابىلداۋىمىز قاجەت. ەگەر ولار ەلىمىزدى سۇيە الماسا، بىزگە ونداي ادامداردىڭ كەرەگى شامالى. امەريكا ەشقاشان دا تەرروردىڭ الدىندا باس يمەيدى ", – دەدى اقش پرەزيدەنتى.

The New York Times جازۋىنشا، 29 جاستاعى ەر ادام اقش-قا بايدەن اكىمشىلىگىنىڭ "وداقتاستاردى قارسى الۋ" باعدارلاماسى اياسىندا كەلگەن. ABC News-ءتىڭ ءۇش دەرەككوزى اۋعانستان ازاماتىنىڭ وتكەن جىلى بوسقىن مارتەبەسىن الۋ ءۇشىن ءوتىنىش بەرگەنىن جانە ونى 2025 جىلى العانىن ايتتى.

Abai.kz