بۇگىن «ءححى عاسىرداعى الاشتىڭ اق جولى» جالپىۇلتتىق بايقاۋىنىڭ قورىتىندى كەزەڭى استانا قالاسى «اق جول» پارتياسىنىڭ باس كەڭسەسىندە ءوتتى.

بيىلعى جالپىۇلتتىق بايقاۋعا «اق جول» بارلىق ايماقتاردان 430-دان استام جاستار قاتىستى، ءبىرىنشى كەزەننەن 42 قاتىسۋشى وتسە، تالدىقورعاندا جەتىسۋ ۋنيۆەرسيتەتىندە جارتى فينالدان 12 ۇمىتكەر ىرىكتەلدى.

بۇگىن ولار اقتىق كەزەڭدە بايگەگە ءتۇستى.

بايقاۋ قازىلارى القاسىندا قر ۇعا اكادەميگى، الاشتانۋشى ديحان قامزابەكۇلى، ل.ن.گۋميلەۆ اتىنداعى ەۇۋ «الاش» ينستيتۋتىنىڭ ديرەكتورى، ف.ع.ك.، سۇلتان حان اققۇلۇلى (توكيودان ون-لاين), قر عىلىم جانە جوعارى ءبىلىم مينيسترلىگى، ءتىل كوميتەتىنىڭ توراعاسى، الاشتانۋشى ەربول تىلەشوۆ، الاشتانۋشى، فيلولوگيا عىلىمدارىنىڭ دوكتورى، ل.ن.گۋميلەۆ اتىنداعى ەۇۋ قازاق ادەبيەتى كافەدراسىنىڭ پروفەسسورى ساعىمباي جۇماعۇل بولسا، مودەراتور رەتىندە بايقاۋدى ەۇۋ قازاق كافەدراسىنىڭ مەڭگەرۋشىسى، ف.ع.ك.، الاشتانۋشى قايىربەك كەمەڭگەر جۇرگىزدى.

سونىمەن قاتار، “اق جول” دەموكراتيالىق پارتياسىنىڭ ماجىلىستەگى دەپۋتاتتارى پىكىرسايىستى تاماشالادىق.

بايقاۋدىڭ اشىلۋ ءراسىمى مەن قورىتىندىسىندا ءسوز سويلەپ، بىرنەشە ماڭىزدى ماسەلەنى اتاپ ءوتتىم.

(سۋرەتتەر: اق جول دەموكراتيالىق پارتياسىنان الىندى.)

ءبىر عاسىر بۇرىن ءبىزدىڭ اتا-بابالارىمىز، الاش ارىستارى ەلىمىزگە تاۋەلسىزدىك الىپ كەلەمىز دەپ ۇلكەن ەرلىككە بارىپ، قۇربان بولسا دا، ولاردىڭ ىستەگەن ەڭبەكتەرى، ەرلىكتەرى وشپەس مۇرا.

الاش ۇلتتىق يدەياسى تولىعىمەن ىسكە اسىرىپ، ءبىز مىقتى، باي، دامىعان مەملەكەت بولۋعا تولىق مۇمكىندىگىمىز بار.

70 جىلدان استام الاشتىڭ يدەياسى عانا ەمەس، ونىڭ ءىس-ارەكەتى دە، توتاليتارلىق جۇيەنىڭ ءوز حالقىنان جاسىرىپ، جويىپ جىبەرگىسى كەلگەن ازاتتىق پەن مەملەكەتتىلىك جولىنداعى كۇرەسى – بۇگىنگى ۇرپاق ءۇشىن وشپەس مۇرا جانە ساياسي ونەگە.

الاش ارىستارى قالدىرعان مۇراسىنىڭ ىشىندە: ەكونوميكالىق، الەۋمەتتىك، جاڭعىرتۋ جانە مەملەكەت قۇرۋ يدەيالارى سياقتى قازىرگى قازاقستاننىڭ تۇراقتى دامۋى مەن ۇلتتىق قاۋىپسىزدىگىن نىعايتۋ ءۇشىن وزەكتى بولىپ قالا بەرەتىن جان-جاقتى جانە تەرەڭ تۇجىرىمدامالار بار.

الاش يدەياسى ءبىزدىڭ ەلىمىزگە – تاريحي تەرەڭ تامىردان سۋسىنداعان ۇلتتىق بىرەگەيلىكتىڭ بەرىك نەگىزىن قالاپ، دەموكراتيالىق قۇندىلىقتار مەن ستراتەگيالىق دامۋدىڭ باعدارىن ايقىندايدى. سوندىقتان ءبىز جاستار اراسىندا بايقاۋمىزدى جىل سايىن وتكىزەمىز.

الاش يدەياسى - قازاق ەلىنىڭ تەك تاريحى ەمەس، سونىمەن قاتار ول - ءبىزدىڭ بۇگىنىمىز بەن بولاشاعىمىز. ءبىزدىڭ ماقساتىمىز - ونى تەك قازىرگى ۋاقىتقا ساي كەلتىرۋ عانا ەمەس، ونىڭ الدىن الۋ. ءححى عاسىردا ەلىمىز تاعى قانداي جاعدايلارعا كەلۋى مۇمكىن، قانداي جاعدايعا جاۋاپ ىزدەستىرۋى كەرەك؟ جاس بۋىن ءۇشىن الاش يدەياسى سوعان دا ءتيىستى جاۋاپ بەرۋگە قابلەتتى.

(سۋرەتتەر: اق جول دەموكراتيالىق پارتياسىنان الىندى.)

بايقاۋ نوميناتسيالارى  اياسىندا ەرەكشە قىزىقتى، تانىمدىق جانە تەرەڭ مازمۇندى باياندامالار مەن ديسكۋسسيالار ءوتتى. بۇل ماتەريالداردىڭ جوعارى ساپاسى مەن قوعامدىق ماڭىزدىلىعى سونشالىق، «قازاق گازەتتەرى» جشس باس ديرەكتورى ديحان قامزابەكۇلى جەكە ءوزى باستاما كوتەرىپ، كەيبىر ۇزدىك جۇمىستاردى كوپشىلىككە تاراتۋ ماقساتىندا، اۆتورلاردان ولاردى رەسپۋبليكالىق گازەت بەتتەرىنە جاريالاۋعا رۇقسات سۇرادى.

بۇل فاكت – جاس ماماندار مەن ستۋدەنتتەردىڭ الاش مۇراسىن جاڭعىرتۋعا قوسقان ۇلەسىنىڭ جوعارى باعالانعانىن جانە ولاردىڭ يدەيالارىنىڭ قوعامدىق پىكىرگە ىقپال ەتۋگە دايىن ەكەنىن كورسەتەدى. ىرىكتەۋ كەزەڭدەردەن فينالعا وتكەن 12 قاتىسۋشى باياندامالارىمەن پىكىر-سايىستارىنىڭ ناتيجەسىندە جۇلدەگەر اتانعاندار:

(سۋرەتتەر: اق جول دەموكراتيالىق پارتياسىنان الىندى.)

«الاشتىڭ الەۋمەتتىك-ساياسي يدەياسى جانە ونىڭ قازىرگى قازاقستانداعى ساباقتاستىعى» نوميناتسياسى بويىنشا:

I  ورىن - ايدىن التاي– جەتىسۋ وبلىسى، ءى.جانسۇگىروۆ اتىنداعى جەتىسۋ ۋنيۆەرسيتەتى عىلىم دەپارتامەنتىنىڭ باس مەنەدجەرى، پەداگوگيكا عىلىمدارىنىڭ ماگيسترى، PhD دوكتورانت

II ورىن - رۋسلان احماگانبەتوۆ– ءال-فارابي اتىنداعى كازۇۋ ساياساتتانۋ ماگيسترى (الماتى ق.)

||| ورىن - انارا ارمانقىزى – الماتى ق.، قازاق-بريتان تەحنيكالىق ۋنيۆەرسيتەتىنىڭ ستۋدەنتى.

«الاشتىڭ رۋحاني-اعارتۋشىلىق قىزمەتى جانە ونىڭ قازىرگى قازاقستان قوعامىنا ماڭىزى» نوميناتسياسى بويىنشا:

| ورىن - دانيار يحسان– استانا ق.، ل.ن. گۋميلەۆ اتىنداعى ەۇۋ دوكتورانتى

|| ورىن - كامشات تورەقۇلوۆا– ماڭعىستاۋ وبلىسى، م.ابدىحالىقوۆ اتىنداعى مەكتەپ-گيمنازياسىنىڭ مۇعالىم.

||| ورىن - الپامىس فايزوللا – استانا، ۇلىبريتانياداعى ابەردين ۋنيۆەرسيتەتىنىڭ اعىلشىن ءتىلى مەن ادەبيەتى بويىنشا گۋمانيتارلىق عىلىمدار ماگيسترى.

«الاش قايراتكەرلەرىنىڭ ەكونوميكالىق كوزقاراسى جانە كاسىپكەرلىكتى دامىتۋ» نوميناتسياسى بويىنشا:

| ورىن - مەدينا قيسا – ماڭعىستاۋ وبلىسى، اقشۇقىر مەكتەپ-ليتسەيىنىڭ مۇعالىمى.

|| ورىن - كاناتبەك كۋيانباەۆ – استانا، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ماگيسترانتى.

||| ورىن - ارداح اميش – استانا ق. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.

(سۋرەتتەر: اق جول دەموكراتيالىق پارتياسىنان الىندى.)

«الاش تاريحىنىڭ «اقتاڭداقتارى»  نوميناتسياسى بويىنشا:

| ورىن - دىنمۇحامەد بايجۇما – الماتى، ءال-فارابي اتىنداعى قازۇۋ-ءنىڭ فيلوسوفيا كافەدراسىنىڭ ماگيسترانتى.

|| ورىن - دانيال ايداروۆ – الماتى، ءال-فارابي ۋنيۆەرسيتەتىنىڭ ستۋدەنتى.

||| ورىن - پەريزات ورالحانوۆا – فورت-شەۆچەنكو، ج.مىڭباەۆ اتىنداعى مەكتەپ-گيمنازيانىڭ مۇعالىمى.

Abai.kz