ونىڭ ىشىندە 13,1 ملن جولاۋشى وتاندىق اۋە كومپانيالارىمەن تاسىمالدانعان. 

2025 جىلدىڭ 10 ايىندا اۋە كولىگىمەن 26,6 ملن جولاۋشىعا قىزمەت كورسەتىلدى. بۇل 2024 جىلعى كەزەڭىمەن سالىستىرعاندا 8%-عا ارتىق. ونىڭ ىشىندە 13,1 ملن جولاۋشى وتاندىق اۋە كومپانيالارىمەن تاسىمالداندى، بۇل وتكەن جىلدىڭ وسى كەزەڭىمەن سالىستىرعاندا 6,1%-عا ارتىق.

كولىك مينيسترلىگىنىڭ حابارلاۋىنشا، ەسەپتىك كەزەڭدە اۋەجايلاردا وڭدەلگەن جۇك كولەمى 140 مىڭ تونناعا جەتتى، ونىڭ ىشىندە وتاندىق اۋە كومپانيالارى تاسىمالداعان جۇك كولەمى 23,8 مىڭ توننانى قۇرادى، بۇل 2024 جىلدىڭ سايكەس كەزەڭىمەن سالىستىرعاندا 6,3%-عا كوپ.

ىشكى اۋە باعىتتارىنىڭ سانى 60 باعىتتى قۇراپ، اپتاسىنا 821 رەيس جيىلىگىمەن ورىندالدى. حالىقارالىق مارشرۋتتىق جەلى 30 ەلدى قامتيتىن 131 باعىتقا دەيىن كەڭەيتىلىپ، اپتاسىنا جالپى 616 رەيس ورىندالدى.

قازاقستان اۋماعىندا اۆياتسيالىق قاۋىپسىزدىك ماسەلەلەرى بويىنشا يكاو ءاۋديتى جۇرگىزىلدى. تەكسەرۋ قورىتىندىسى بويىنشا يكاو حالىقارالىق ستاندارتتارىنا سايكەستىك دەڭگەيى 95,7%-دى قۇرادى، بۇل الەمدىك ورتاشا كورسەتكىشتەن (72%) جانە ورتاەۋروپالىق دەڭگەيدەن (88%) ايتارلىقتاي جوعارى. قازاقستاننىڭ كورسەتكىشى تمد ەلدەرى اراسىندا عانا ەمەس، يكاو-نىڭ ەۋروازيالىق وڭىرىندە دە ەڭ جوعارى كورسەتكىشتەردىڭ ءبىرى.

مەملەكەت باسشىسىنىڭ اقش-قا جاساعان ساپارى اياسىندا "Air Astana" اۋە كومپانياسى مەن Boeing كومپانياسى اراسىندا بۇرىن تاپسىرىس بەرىلگەن ءۇش اۋە كەمەسىنە قوسىمشا 15 Boeing 787–9 Dreamliner ۇشاعىن جەتكىزۋ تۋرالى كەلىسىمشارتقا قول قويىلدى. 18 Boeing 787–9 اۋە كەمەسىنەن تۇراتىن اۋە پاركىنىڭ جالپى قۇنى 7 ملرد اقش دوللارىن قۇرايدى. اۋە پاركىنىڭ تولىقتىرىلۋى قازاقستانعا حالىقارالىق مارشرۋتتاردىڭ گەوگرافياسىن كەڭەيتۋگە، ونىڭ ىشىندە اقش-قا تىكەلەي رەيستەر اشۋعا مۇمكىندىك بەرەدى.

وتاندىق اۋەكومپانيالارىنىڭ اۋە كەمەلەرى پاركى 12 جاڭا ۇشاقپەن تولىقتىرىلدى (SCAT – 4 Boeing 737 MAX8, Air Astana – 3 Airbus A321/320, FlyArystan – 5 Airbus A321/320).

"اقتاۋ قالاسى اۋەجايىنىڭ ۇشۋ-قونۋ جولاعى مەن رولدەۋ جولىنىڭ كۇردەلى جوندەۋ جۇمىستارى، سونداي-اق استانا قالاسى اۋەجايىنىڭ ۇشۋ-قونۋ جولاعىنا اعىمداعى جوندەۋ جۇمىستارى اياقتالدى. سونىمەن قاتار بالقاش قالاسى اۋەجايى تەرمينالىنىڭ رەكونسترۋكتسياسى اياقتالۋ ساتىسىندا. كاتون-قاراعاي، زايسان جانە كەندىرلى كۋرورتتىق ايماقتارىندا ءۇش اۋەجايدىڭ قۇرىلىسى جۇرگىزىلۋدە، سونداي-اق ارقالىق قالاسى اۋەجايىنىڭ قىزمەتىن قالپىنا كەلتىرۋ بويىنشا جۇمىستار اتقارىلۋدا. بۇدان بولەك، پاۆلودار قالاسى اۋەجايىنىڭ اەرودرومىن رەكونسترۋكتسيالاۋ بويىنشا جۇمىستار جۇرگىزىلۋدە", – دەلىنگەن مينيسترلىك تاراتقان اقپاراتتا.

Abai.kz