Cالتانات الىمقۇلوۆا، "ار-اي"

جامبىل اۋدانىنىڭ، اسا اۋىلىندا تۇراتىن گۇلبارشىن اپايدىڭ شاڭىراعىندا بولدىق. ول كىسى  كەلىندەرى جايلى ءسوز قوزعاعاندا ء بىر ەمەس، ءۇش بىردەي كەلىنىڭ اتى دا - سالتانات ەكەنىن ءبىلىپ تاڭقالدىم. ءيا، ءيا بىرەۋ ەمەس، قاتارىنان ۇشەۋ. ويپىرماي، نە دەگەن كەزدەيسوقتىق، تاڭقالىپ وتىرعان مەنىڭ دە اتىم سالتانات.

Cالتانات الىمقۇلوۆا، "ار-اي"

جامبىل اۋدانىنىڭ، اسا اۋىلىندا تۇراتىن گۇلبارشىن اپايدىڭ شاڭىراعىندا بولدىق. ول كىسى  كەلىندەرى جايلى ءسوز قوزعاعاندا ء بىر ەمەس، ءۇش بىردەي كەلىنىڭ اتى دا - سالتانات ەكەنىن ءبىلىپ تاڭقالدىم. ءيا، ءيا بىرەۋ ەمەس، قاتارىنان ۇشەۋ. ويپىرماي، نە دەگەن كەزدەيسوقتىق، تاڭقالىپ وتىرعان مەنىڭ دە اتىم سالتانات.

ءبىر قىزىعى ءۇش سالتانات تا گۇلبارشىن اپايدىڭ تۋعان كەلىندەرى. ءبىر وتباسىندا ءۇش بىردەي كەلىننىڭ اتتاس بولۋى ومىردە تىم سيرەك كەزدەسەتىن قۇبىلىس. سوندىقتان، اتتاس كەلىندەر حيكاياسىن العاش ەستىگەندە، ەلەڭ ەتە قالعانىمىزبەن، بىرازعا دەيىن سەنىڭكىرەمەگەنىمىز دە راس. قۇددى ءبىر سەرتتەسىپ العانداي، ۇلدارىنىڭ تاڭداۋىنىڭ كىلەڭ اتتاس  قىزدارعا ءتۇسۋى ءتىپتى مۇمكىن ەمەس قوي؟ الدە جاراتقاننىڭ بۇيرىعى  سولاي بولدى ما ەكەن؟

سانامىز سان-ساقتى شولىپ، سان ءتۇرلى ويلارعا ەرىك بەردىك. الايدا، كەيدە كەزدەيسوق وقيعالاردان قۇرالاتىن ءومىردىڭ ءوز زاڭدىلىعى بار ەكەنىن مويىنداماسقا دا امالىڭ قالمايتىنى بار عوي؟ ءبىز الدەبىر تىلسىم كۇشتىڭ قۇدىرەتىنە سەنىپ، «ومىردە كەزدەيسوق ەشتەڭە بولمايدى» دەسەك تە، ءبىر شاڭىراققا تۇسكەن ءۇش بىردەي كەلىننىڭ بۇلايشا اتتاس بولىپ كەزدەسۋى عاجاپ-اق ەكەن.

گۇلبارشىن اپاي، ءاۋ-باستا كەلىندەرىنىڭ  كىم بولسا دا تەك مەيىر-شاپاعاتى مول، يناباتتى بولىپ كەزدەسۋىن تىلەپتى. تۇڭعىشى كادىرحان كەلىن اكەلگەندە قۋانىشى قوينىنا سىيماي قۋانعان انانىڭ العاشقى كەلىنى - سالتانات ءوزى تىلەگەندەي يماندى، يناباتتى، بولىپ شىعادى. ءتىپتى ىشتەي، وسى ءۇردىس وزگە ۇلدارىنا دا ۇلگى بولسا ەكەن دەپ تىلەگەن-ءدى. كوپ ۇزاماي اپايدىڭ ەكىنشى ۇلى ساكەن شاڭىراق كوتەردى. مىنە قىزىق! بۇل كەلىنىنىڭ العاشقىسىنا ءىسى مەن مىنەزى عانا ۇقساپ قويماي، اتتاس بولىپ شىعادى. جايدارى مىنەز، كىشىپەيىلدىگىمەن كوزگە تۇسكەن بۇل كەلىندى دە اعايىن-تۋىس اتتاس ابىسىنىنان ارتىق كورمەسە، كەم كورمەيدى. ءبىرى - بالا جانىنىڭ ينجەنەرى  بولسا، ەندى ءبىرى ادام ءتانىنىڭ ينجەنەرى بولعان قوس كەلىنگە قىزمەتتەستەرى دە قىزىعا قارايتىن. تاياۋدا الپىستى القىمداپ قالعان اپانىڭ ءسۇت كەنجەسى نۇربول شاڭىراق كوتەردى. ونىڭ دا جارىنىڭ ەسىمى – سالتانات. ءتورت بىردەي ۇلىن جايلاندىرىپ جۇرەگى جاي تاپقان اناعا ءبىز كەلىندەرىڭىزدىڭ بارلىعى بىرگە جينالعاندا شاتاستىرىپ المايسىز با؟- دەپ ساۋال تاستاعان ەدىك. ومىردەن كورگەنىنەن تۇيگەنى مول انا: «جوق، ارقايسىنىڭ ەسىمىنىڭ الدىنا اي، كۇن، جۇلدىز سەكىلدى تىركەستەردى قوسىپ، «ايىم، كۇنىم، جۇلدىزىم» دەپ اتايمىن» دەپ ادەمى ازىلىمەن كومكەرىپ قويدى. ءيا، وسىناۋ ءبىر شاڭىراق استىنداعى سالتاناتتار «ابىسىن تاتۋ بولسا، اس كوپ»، دەگەن ماقالدى بەرىك ۇستانادى.

ر.S.مانادان بەرى، اڭگىمەنى اعىتىپ، ءبىز قويعان سۇراققا بيازىلىقپەن عانا جاۋاپ قايىرىپ وتىرعان انا قوشتاسىپ  جاتىپ:

- ايتپاقشى، قىزىم سەنىڭ ەسىمىڭ كىم ەدى؟- دەدى.

- سالتانات.

- اپاي، نە سەنەرىن، نە سەنبەسىن بىلمەي اڭتارىلىپ قالدى.

- ءبىز ءبىر ءۇي تولى سالتاناتقا سەنىپ تۇرمىز عوي، ءسىز دە سەنىڭىز، اپاي. مىنە، -دەپ ازىلدەي تۇرىپ، وسىنداي كورىنىستىڭ بولاتىنىن سەزىپ الدىن-الا  دايىنداپ قويعان تولقۇجاتىمدى كورسەتتىم.

اپاي، تولقۇجاتقا تىكتەپ قاراعان دا جوق. الدە نە ەسىنە تۇسكەندەي  ءسال ويلانىپ تۇردى دا:

-ءيا، ءيا، ايتپاقشى «ار-اي» گازەتىندە سالتانات الىمقۇلوۆا دەگەن فاميليا بار،- دەگەنى، ول جاعىنان دا كوزى قاراقتى جان ەكەنىن سەزدىرىپ...

- قازاقتىڭ وسىنداي يبالى كەلىندەرى سالتانات قۇرا بەرسىن- دەدىك  ءبىز قوشتاسىپ جاتىپ.