قازاقستان پرەزيدەنتى قاسىم-جومارت توقاەۆ كونستيتۋتسيالىق رەفورما جونىندەگى كوميسسيا قۇرۋ تۋرالى جارلىققا قول قويدى. جاڭا ورگان مەملەكەت باسشىسىنىڭ جانىنان جۇمىس ىستەيدى جانە اتا زاڭدى اۋقىمدى جاڭارتۋعا قاتىستى ۇسىنىستار ازىرلەۋمەن اينالىسادى، دەپ حابارلايدى Qaz365.kz.

كونستيتۋتسيالىق كوميسسيانىڭ ءتورايىمى بولىپ كونستيتۋتسيالىق سوتتىڭ توراعاسى ەلۆيرا ءازىموۆا تاعايىندالدى.

ءتورايىمنىڭ ورىنباسارلارى:
— مەملەكەتتىك كەڭەسشى ەرلان قارين،
— پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا.

كوميسسيانىڭ حاتشىسى – پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ مەڭگەرۋشىسى ايدار جارىلعانوۆ.
كوميسسيا قۇرامىنا 100-دەن استام ادام ەندى.

ولاردىڭ قاتارىندا:
- ءماجىلىس پەن سەنات دەپۋتاتتارى،
- وڭىرلىك ءماسليحاتتاردىڭ توراعالارى،
- اكىمدەر،
- كونستيتۋتسيالىق سوتتىڭ سۋديالارى،
- پرەزيدەنت اكىمشىلىگى مەن ۇكىمەت وكىلدەرى،
- زاڭگەرلەر، ساياساتتانۋشىلار مەن عالىمدار،
- باق باسشىلارى مەن جۋرناليستەر،
- قوعامدىق كەڭەستەر مەن ازاماتتىق سەكتور وكىلدەرى بار.

كوميسسيا كەڭەسشى-تالدامالىق ورگان مارتەبەسىنە يە. ونىڭ نەگىزگى مىندەتى – كونستيتۋتسيالىق رەفورماعا قاتىستى ۇسىنىستاردى تالداۋ جانە ۇسىنىمدار ازىرلەۋ. ال جۇمىس ورگانى رەتىندە كونستيتۋتسيالىق سوتتىڭ اپپاراتى ايقىندالدى.

Abai.kz