قازاقستانداعى ەڭ ءىرى مۇناي-گاز كەن ورنى سانالاتىن تەڭىزدە ۋاقىتشا توقتاتىلعان مۇناي ءوندىرۋ جۇمىستارى قايتا جانداندى، دەپ حابارلايدى Ulysmedia.kz.

«تەڭىزشەۆرويل» كومپانياسىنىڭ ءباسپاسوز قىزمەتى كەن ورنىنداعى ەلەكترمەن جابدىقتاۋعا قاتىستى ماسەلە تولىق شەشىلىپ، مۇناي ءوندىرۋ قايتا باستالعانىن راستادى. ءوندىرىس كولەمى كەزەڭ-كەزەڭىمەن جوسپارلى كورسەتكىشتەرگە جەتكىزىلمەك.

— «تەڭىزشەۆرويل» ەلەكتر ەنەرگياسىن تاراتۋ جۇيەسىنىڭ قاۋىپسىز تۇردە ىسكە قوسىلعانىن جانە شيكى مۇناي ءوندىرۋدى قايتا جانداندىرۋدىڭ باستاپقى كەزەڭى باستالعانىن راستايدى. كومپانيا جاعداي مۇمكىندىك بەرگەن سايىن ءوندىرىس كولەمىن بىرتىندەپ ارتتىرۋ باعىتىندا جۇمىس ىستەپ جاتىر. تشو ءوندىرىستىڭ قاۋىپسىز ءارى سەنىمدى جۇرگىزىلۋىنە ادالدىعىن ساقتايدى، — دەدى «تەڭىزشەۆرويل» كومپانياسىنىڭ قوعاممەن بايلانىس جونىندەگى مەنەدجەرى فارحات ءابىلوۆ.

تەڭىزدەگى جاعداي

بۇعان دەيىن، شامامەن ءبىر اپتا بۇرىن، تەڭىز كەن ورنىندا ترانسفورماتوردا ءورت شىعۋىنا بايلانىستى مۇناي ءوندىرۋ ۋاقىتشا توقتاتىلعان بولاتىن. اپات سالدارىنان ەلەكترمەن جابدىقتاۋدا اقاۋ تۋىنداعان.

الدىن الا باعالاۋلارعا سايكەس، ءوندىرىستىڭ توقتاۋىنا بايلانىستى قازاقستان ەكسپورتقا كقك تەرمينالى ارقىلى جونەلتىلۋى ءتيىس بولعان شامامەن 700 مىڭ توننا مۇنايدان ايىرىلعان. Reuters دەرەككوزدەرى مۇناي ءوندىرۋ اقپان ايىنا دەيىن قالپىنا كەلمەۋى مۇمكىن ەكەنىن دە جوققا شىعارماعان ەدى.

وقيعادان كەيىن تەڭىز كەن ورنىنا ارنايى ۇكىمەتتىك كوميسسيا جىبەرىلدى.

Abai.kz