ءىس-شارالار ءبىر مەزگىلدە الماتى، شىمكەنت قالالارىندا، اقتوبە، الماتى، شىعىس قازاقستان، جامبىل وبلىستارىندا، سونداي-اق اباي جانە جەتىسۋ وبلىستارىندا وتكىزىلدى. بۇل تۋرالى ۇقك حابارلادى. 

— 4 اقپاندا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ، باس پروكۋراتۋرانىڭ ۇيلەستىرۋىمەن قارۋ-جاراقتى وتكىزۋ جانە ساقتاۋ، قورقىتىپ الۋ، ۇرلانعان اۆتوكولىكتى زاڭداستىرۋ، سونداي-اق وزگە دە قىلمىستارعا قاتىسى بار بىرقاتار قىلمىستىق توپتاردىڭ زاڭسىز قىزمەتىن توقتاتۋعا باعىتتالعان ارنايى وپەراتسيانى جۇزەگە اسىردى، — دەلىنگەن حابارلامادا.

ءىس-شارالار ءبىر مەزگىلدە الماتى، شىمكەنت قالالارىندا، اقتوبە، الماتى، شىعىس قازاقستان، جامبىل وبلىستارىندا، سونداي-اق اباي جانە جەتىسۋ وبلىستارىندا وتكىزىلدى.

ناتيجەسىندە 20 ادام ۇستالدى، ولاردىڭ 10-ى ۋاقىتشا ۇستاۋ يزولياتورىنا قامالدى.

ءتىنتۋ بارىسىندا كۇدىكتىلەردەن اتىس قارۋى، وق-دارىلەر، ەسىرتكى زاتتارى، ءىرى كولەمدەگى اقشا قاراجاتتارى، سونداي-اق وزگە دە زاتتاي دالەلدەمەلەر تاركىلەندى.

قازىرگى ۋاقىتتا سوتقا دەيىنگى تەرگەپ-تەكسەرۋ جۇرگىزىلىپ جاتىر.

قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

Abai.kz