تالعار قالاسىنىڭ اكىمى ارىستانبەك ابىلقايىرۇلى دەنساۋلىعىنا بايلانىستى وتستاۆكاعا كەتۋ تۋرالى شەشىم قابىلداعانىن حابارلادى.

- مەن اتقارعان قىزمەتىمدى دەنساۋلىعىما بايلانىستى اياقتاۋ تۋرالى شەشىم قابىلدادىم. بۇل شەشىم مەن ءۇشىن وڭاي بولعان جوق. دەنساۋلىعىما بايلانىستى بەلگىلى ءبىر ۋاقىت ەڭبەك دەمالىسىندا بولدىم. وسى جاعداي قىزمەتتىك مىندەتتەرىمدى تولىق ءارى ساپالى اتقارۋعا كەدەرگى كەلتىرمەۋى ءۇشىن وسىنداي شەشىم قابىلداۋدى ءجون سانادىم. دەگەنمەن دەنساۋلىق – ادام ومىرىندەگى ەڭ باستى قۇندىلىقتاردىڭ ءبىرى، سوندىقتان وسىنداي قادامعا بارۋعا تۋرا كەلدى، – دەيدى اكىم.

ارىستان ابىلقايىرۇلى اكىم قىزمەتىندە ءبىر جىلدان ءسال اسا ۋاقىت — ءبىر جىل ەكى اي جۇمىس ىستەدى. ول بۇل لاۋازىمعا 2024 جىلدىڭ جەلتوقسانىندا وتكەن سايلاۋدا جەڭىسكە جەتكەننەن كەيىن كەلگەن. وعان دەيىن قالانى باقىت كۇرىشبەكوۆ باسقارعان. كۇرىشبەكوۆ شەرزات پولاتتىڭ رەزونانس تۋدىرعان ولىمىنەن كەيىن قىزمەتىنەن الىنعان ەدى — سول كەزدە اۋدان باسشىلىعى قاتاڭ سىنعا ۇشىراعان.

Abai.kz