سالىق بەرەشەگى: جاڭا ءتارتىپ بەكىتىلدى...
قۇجات 2026 جىلعى 13 اقپاندا ادىلەت مينيسترلىگىندە تىركەلدى (№37975).
قازاقستان رەسپۋبليكاسى قارجى مينيسترلىگى ميكرو جانە شاعىن بيزنەس سۋبەكتىلەرىنە سالىق بەرەشەگىنىڭ نەگىزگى سوماسىن تولەگەن جاعدايدا وسىمپۇلدار مەن ايىپپۇلداردى ەسەپتەن شىعارۋعا مۇمكىندىك بەرەتىن قاعيدالاردى بەكىتتى.
بۇل شارا كاسىپكەرلەردىڭ قارجىلىق جۇكتەمەسىن ازايتۋ جانە قارىزدارىن قوسىمشا سانكتسيالارسىز رەتتەۋگە مۇمكىندىك بەرۋ ماقساتىندا قابىلداندى.
ەگەر كاسىپكەر 2026 جىلعى 1 قاڭتارداعى جاعداي بويىنشا ەسەپتە تۇرعان سالىق بەرەشەگىنىڭ (نەگىزگى قارىزدىڭ) تولىق سوماسىن 2026 جىلعى 1 قاڭتار مەن 31 ناۋرىز ارالىعىندا وتەسە، وندا:
– تولىق وتەگەن كۇنگە دەيىن ەسەپتەلگەن ءوسىمپۇلدى قوسا العاندا، بارلىق ءوسىمپۇل ەسەپتەن شىعارىلادى;
– بەرەشەگى وتەلگەن سالىقتار مەن بيۋدجەتكە تولەنەتىن باسقا دا مىندەتتى تولەمدەر بويىنشا سالىنعان ايىپپۇلدار ەسەپتەن شىعارىلادى;
– سونداي-اق 2026 جىلعى 1 قاڭتارعا دەيىن ققس بويىنشا ەسەپكە تۇرماۋ كەزەڭىندە جاسالعان اينالىمدار ءۇشىن سالىنعان ايىپپۇلدار (2026 جىلعى 1 قاڭتارداعى جاعداي بويىنشا ماجبۇرلەپ ءوندىرىپ الۋ شارالارى قولدانىلماعان جاعدايدا) ەسەپتەن شىعارىلۋى مۇمكىن.
بۇل مۇمكىندىكتى پايدالانۋ ءۇشىن نەگىزگى قارىز سوماسىن 2026 جىلعى 31 ناۋرىزعا دەيىن تولىق تولەۋ قاجەت.
ودان كەيىن ەسەپتەن شىعارۋ مەملەكەتتىك كىرىستەر ورگاندارى جانىنداعى ارنايى كوميسسيالاردىڭ دەربەس شوتتاردى تەكسەرۋى ناتيجەسىندە جۇزەگە اسىرىلادى.
قابىلدانعان قاعيدالار كاسىپكەرلەرگە بۇرىنعى بەرەشەكتەرىن قوسىمشا قارجىلىق شىعىندارسىز جابۋعا، قارىز جۇكتەمەسىن ازايتۋعا جانە الداعى ۋاقىتتا سانكتسيالار ەسەپتەلۋ قاۋپىنسىز جۇمىسىن جالعاستىرۋعا مۇمكىندىك بەرەدى.
بۇل بيزنەسكە بەرەشەكتى رەتتەپ، جينالعان ءوسىمپۇلدار مەن ايىپپۇلدارسىز قىزمەتىن جالعاستىرۋعا بەرىلگەن مۇمكىندىك.
Abai.kz
