بۇگىن مەملەكەت باسشىسى بارلىق ازاماتتاردى، اسىرەسە جاستاردى سايلاۋعا قاتىسىپ، قازاقستاننىڭ ودان ءارى تابىستى دامۋىنا ءوز ۇلەسىن قوسۋعا شاقىردى.

الماتىدا مادەنيەت قايراتكەرلەرىنەن، عالىمداردان باستاپ كاسىپكەرلەرگە، جاستار مەن ارداگەرلەرگە دەيىنگى ءتۇرلى ماماندىق يەلەرى مەن ءار بۋىن وكىلدەرى پرەزيدەنتتىڭ ۇندەۋىن قولداپ، قالا تۇرعىندارىن 23 تامىزدا وتەتىن قۇرىلتاي دەپۋتاتتارىنىڭ سايلاۋىنا قاتىسۋعا جانە ازاماتتىق بەلسەندىلىك تانىتۋعا شاقىردى.

بەلگىلى تۇلعالار، قالانىڭ ارداگەرلەر قاۋىمداستىعى، ەتنومادەني بىرلەستىكتەردىڭ وكىلدەرى سايلاۋعا قاتىسۋ ازاماتتىق جاۋاپكەرشىلىكتىڭ جانە ەلدىڭ قوعامدىق-ساياسي ومىرىنە بەيجاي قاراماۋدىڭ ماڭىزدى كورىنىسى ەكەنىن اتاپ ءوتتى.

الماتى قوعامدىق كەڭەسىنىڭ مۇشەلەرى دە تۇرعىنداردى سايلاۋعا بەلسەندى قاتىسۋعا ۇندەدى.

«جاڭا ادامداردىڭ، جاڭا ساياساتكەرلەردىڭ كەلىپ جاتقانىن، ساياسي باسەكەلەستىكتىڭ جاڭا مادەنيەتى قالىپتاسىپ، پىكىرسايىستاردىڭ ءوتىپ جاتقانىن كورىپ وتىرمىز. ازاماتتىق قوعام وكىلى رەتىندە بۇل ماعان ۇلكەن ءۇمىت سىيلايدى»، – دەدى الماتى قوعامدىق كەڭەسىنىڭ مۇشەسى دميتري لاكتيۋشين.

داۋىس بەرۋگە قاتىسۋ جونىندەگى ءوز ۇستانىمدارىن قۇرىلىس جانە قوناقۇي بيزنەسىنەن باستاپ كونسالتينگ پەن كولىك سالاسىنا دەيىنگى ءتۇرلى باعىتتاردىڭ تانىمال وكىلدەرى اشىق ءبىلدىردى.

قالانىڭ كاسىپكەرلەرى مەن بيزنەس قاۋىمداستىعى دا الداعى سايلاۋدى بەلسەندى قولداۋدا. ورتاق ۇندەۋگە ءىرى ونەركاسىپتىك كاسىپورىنداردىڭ ەڭبەك ۇجىمدارى مەن بيزنەس وكىلدەرى دە قوسىلدى.

باستامانى عىلىمي-ساراپشىلىق قاۋىمداستىق تا قولدادى. عالىمدار ازاماتتاردى سايلاۋ ۇدەرىسىنە جاۋاپكەرشىلىكپەن قاراۋعا شاقىردى. ۇندەۋگە سپورت قاۋىمداستىعىنىڭ وكىلدەرى دە قوسىلدى. تانىمال سپورتشىلار الماتىلىقتاردى 23 تامىزدا سايلاۋ ۋچاسكەلەرىنە كەلىپ، ءوز تاڭداۋىن جاساۋعا ۇندەدى. سونداي-اق بەلگىلى الپينيست ازاماتتىق بەلسەندىلىكتىڭ ماڭىزىن اتاپ ءوتىپ، ۇندەۋدى قولدادى.

بۇل ويدى قۇرىلىس سالاسىنىڭ قىزمەتكەرلەرى دە جالعاستىردى. قالانىڭ دامۋىنا، جاڭا تۇرعىن ۇيلەر مەن زاماناۋي ينفراقۇرىلىم قۇرىلىسىنا كۇن سايىن ۇلەس قوسىپ جۇرگەن ءىرى قۇرىلىس كومپانيالارىنىڭ ماماندارى سايلاۋعا قاتىسۋدى ەلدىڭ جانە ءوسىپ كەلە جاتقان ۇرپاقتىڭ بولاشاعىنا دەگەن جاۋاپكەرشىلىكتىڭ ءبىر كورىنىسى دەپ اتادى.

باستاماعا قىزمەت كورسەتۋ، ساۋدا سالاسىنىڭ وكىلدەرى مەن قوعامدىق كولىك جۇرگىزۋشىلەرى دە قوسىلدى. سونىمەن قاتار مەگاپوليس كوشەلەرىندە كۇن سايىن ەڭبەك ەتەتىن كۋرەرلەر مەن جاس موپەد جۇرگىزۋشىلەرى دە ءوز ۇندەۋلەرىن جولدادى. قوعامدىق تاماقتاندىرۋ، سەرۆيس جانە شاعىن بيزنەس سالاسىنىڭ قىزمەتكەرلەرى ازاماتتىق بەلسەندىلىك ادامنىڭ ماماندىعىنا نەمەسە الەۋمەتتىك مارتەبەسىنە قاراماستان بارلىعىن بىرىكتىرەتىنىن اتاپ ءوتتى.

جاستار مەن بلوگەرلەر دە تۇرعىنداردى سايلاۋعا قاتىسۋعا كرەاتيۆتى تۇردە شاقىرۋدى جالعاستىرۋدا. جاس شوۋمەندەر تانىمال ءان اۋەنىنە بەينەروليك ءتۇسىرىپ، مۋزىكا مەن ءازىلدى ازاماتتىق تاڭداۋ جاساۋعا ۇندەيتىن ۇندەۋمەن ۇشتاستىردى.

ءارتۇرلى بۋىن، ماماندىق جانە سالا وكىلدەرىن ءبىر وي بىرىكتىرەدى: قوعام ومىرىنە قاتىسۋ ءار ازاماتتىڭ جەكە تاڭداۋىنان باستالادى.

23 تامىز – تاڭداۋ كۇنى. ءار داۋىس ماڭىزدى. الماتى ءوز تاڭداۋىن جاسايدى.

Abai.kz