ەكس ۇقك توراعاسى كارىم ماسىموۆكە تيەسىلى سامۋراي قىلىشى ەلەكتروندى ساۋدادا 3 413 825 تەڭگەگە ساتىلدى. بۇل تۋرالى 7kun.kz سايتى جازدى.

لوتتى قايتارىلعان اكتيۆتەردى باسقارۋ كومپانياسى اۋكتسيونعا شىعارعان.

باستاپقى باعا 461 312 تەڭگە بولعانىمەن، ساۋدا بارىسىندا قىلىش قۇنى جەتى ەسەدەن استام ءوسىپ، جوعارى باعاعا ءوتتى. ساۋدا ناتيجەلەرى ەلەكتروندى ساۋدا الاڭىندا جاريالاندى.

لوت سيپاتتاماسىنا سايكەس، قىلىش قىنابىمەن بىرگە ۇسىنىلعان: بولات جۇزىندە بويلىق ويىق بار، قىنابى قارا ماتەريالدان جاسالعان، ال سابى گەومەتريالىق ورنەگى بار سۇر مەتالدان قۇيىلعان.

ايتا كەتەيىك، بۇعان دەيىن 2025 جىلعى 4 قاراشادا وسى كومپانيا ۇيىمداستىرعان ساۋدادا ماسىموۆكە تيەسىلى تاعى ءبىر سامۋراي قىلىشى باستاپقى باعامەن 542 719 تەڭگەگە ساتىلعان بولاتىن. سونىمەن قاتار، بۇرىن ونىڭ استاناداعى 1,8 ملرد تەڭگەگە باعالانعان وسوبنياگى دا اۋكتسيونعا شىعارىلىپ، كەيىن عيماراتتى ەرەكشە بالالارعا ارنالعان ورتالىققا بەرۋ جوسپارلانعانى حابارلانعان.

Abai.kz