2026 جىلدىڭ قاڭتار–اقپان ايلارىنىڭ قورىتىندىسى بويىنشا رەسپۋبليكالىق بيۋدجەت كىرىستەرى جوسپارعا ساي جانە تۇراقتى تۇردە ورىندالدى، دەپ حابارلايدى مەملەكەتتىك كىرىستەر كوميتەتىنىڭ ءباسپاسوز قىزمەتى.

2026 جىلعى 1 ناۋرىزداعى جاعداي بويىنشا رەسپۋبليكالىق بيۋدجەتتىڭ سالىقتىق تۇسىمدەرى بويىنشا جوسپاردىڭ ورىندالۋى 113,7 قۇرادى، بيۋدجەتكە 2 979,0 ملرد تەڭگە ءتۇستى. وتكەن جىلدىڭ ۇقساس كەزەڭىمەن سالىستىرعاندا ءوسۋ قارقىنى 677,5 ملرد تەڭگە نەمەسە 129,4%.

وڭ ديناميكا نەگىزگى بيۋدجەت قۇراۋشى سالىقتار ەسەبىنەن قامتاماسىز ەتىلدى. كورپوراتيۆتىك تابىس سالىعى (كتس) بويىنشا ءوسۋ قارقىنى 116,9% (+118,0 ملرد تەڭگە), قوسىلعان قۇن سالىعى (ققس) بويىنشا 138,8% (+428,6 ملرد تەڭگە) قۇرادى.

سونىمەن قاتار، اقپاراتتىق كەڭىستىكتە بۇرىن 2026 جىلدىڭ قاڭتار ايىنداعى دەرەكتەرگە نەگىزدەلگەن ساراپتامالىق باعالاۋلار پايدا بولدى.

ايتا كەتۋ كەرەك، مۇنداي قورىتىندىلار بيۋدجەت كىرىستەرىنىڭ شىنايى جاعدايىن تولىق كورسەتپەيدى. سەبەبى 2025 جىلدىڭ ءتورتىنشى توقسانىنا قاتىستى كەيبىر نەگىزگى تولەمدەر 2026 جىلدىڭ 25 اقپانىنا دەيىن تولەنەدى.

تيىسىنشە، تۇسىمدەردىڭ ەداۋىر بولىگى ءداستۇرلى تۇردە اقپان ايىنىڭ قورىتىندىسى بويىنشا قالىپتاسادى. ناتيجەسىندە، 1 ناۋرىزعا ققس بويىنشا جوسپاردىڭ ورىندالۋى 119,8%-دى قۇرايدى نەمەسە جوسپار 1 281,0 ملرد تەڭگە، ناقتى ءتۇسىم 1 534,5 ملرد تەڭگە.

— ەكى ايدىڭ قورىتىندىسى بيۋدجەتتىڭ كىرىس بولىگىنىڭ ورىندالۋىن وبەكتيۆتى سيپاتتايدى جانە كىرىستەردىڭ تۇراقتى ءوسۋىن جانە الدىن الا تەرىس باعالاۋعا نەگىزدەردىڭ جوقتىعىن راستايدى. ناقتى دەرەكتەر سالىق تۇسىمدەرىنىڭ وڭ ديناميكاسىن جانە اعىمداعى ماكروەكونوميكالىق جاعدايلارعا سايكەس كەلەتىنىن كورسەتەدى، — دەپ اتاپ ءوتتى كوميتەت.

بۇدان بۇرىن 2026 جىلدىڭ 1 ناۋرىزىنان باستاپ قازاقستاندا ارنايى سالىق رەجيمدەرىنىڭ جاڭا ءتارتىبى كۇشىنە ەنەتىنىن جازعانبىز. ەندى كاسىپكەرلەر مەن ءوزىن-ءوزى جۇمىسپەن قامتىعان ازاماتتار ءۇش رەجيمنىڭ ءبىرىن تاڭداۋى كەرەك.

Abai.kz