اقپان ايىنىڭ قورىتىندىسى بويىنشا تەڭگە باعامى 1 اقش دوللارى ءۇشىن 497,69 تەڭگەگە دەيىن 0,7%-عا نىعايدى.

ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 6%-ى بولدى جانە كۇنىنە 20 ملن اقش دوللارىنان اسقان جوق.

قازاقستان قور بيرجاسىنداعى ساۋدا-ساتتىقتىڭ ورتاشا ءبىر كۇندىك كولەمى ءبىر ايدا 306 ملن اقش دوللارىنان 335 ملن اقش دوللارىنا دەيىن ۇلعايدى. ساۋدا-ساتتىقتىڭ جالپى كولەمى 6,7 ملرد اقش دوللارىن قۇرادى.

"اقپان ايىندا ۇلتتىق قوردان 400 ملن اقش دوللارىندا ۆاليۋتا ساتىلدى، بۇل ءوز كەزەگىندە رەسپۋبليكالىق بيۋدجەتكە ترانسفەرت ءبولۋدى قامتاماسىز ەتۋگە مۇمكىندىك بەردى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 6%-ى بولدى جانە كۇنىنە 20 ملن اقش دوللارىنان اسقان جوق. كۇتىلەتىن فيسكالدىق تۇسىمدەردى ەسكەرگەندە، ۇكىمەتتىڭ الدىن الا بولجامدى وتىنىمدەرى بويىنشا ناۋرىز ايىندا رەسپۋبليكالىق بيۋدجەتكە ترانسفەرت بولۋگە ۇلتتىق بانك ۇلتتىق قوردان 400 ملن اقش دوللارىنان 500 ملن اقش دوللارىنا دەيىنگى مولشەردە ۆاليۋتا ساتىلادى دەپ بولجايدى", – دەلىنگەن بانك مالىمدەمەسىندە.

اقپان ايىندا "اينالاۋ" وپەراتسيالارى اياسىندا 350 ملرد تەڭگە الىندى. ناۋرىز ايىندا وسى ماقسات ءۇشىن 350 ملرد تەڭگە بالاماسىندا ۆاليۋتا ساتۋ كۇتىلەدى.

ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە، سونداي-اق "اينالاۋ" تەتىگىن ىسكە اسىرۋ كەزىندە ۇلتتىق بانك نارىقتىق بەيتاراپتىق قاعيداتىن ۇستانادى، بۇل شەتەل ۆاليۋتاسىن تۇراقتى جانە بىركەلكى ساتۋدى بىلدىرەدى.

"ۇلتتىق بانك اقپاندا ۆاليۋتالىق ينتەرۆەنتسيا جۇرگىزگەن جوق. وتكەن ايدىڭ قورىتىندىسى بويىنشا كۆازيمەملەكەتتىك سەكتور سۋبەكتىلەرىندە ۆاليۋتالىق ءتۇسىمنىڭ ءبىر بولىگىن مىندەتتى تۇردە ساتۋ نورماسى اياسىندا ۆاليۋتا ءتۇسىمىن ساتۋ كولەمى شامامەن 284 ملن اقش دوللارىن قۇرادى. وسىعان دەيىنگى جوسپارعا سايكەس، بجزق ۆاليۋتالىق اكتيۆتەرىنىڭ ۇلەسى 40%-دان اساتىنىن ەسكەرگەندە، ۇلتتىق بانك اقپان ايىندا زەينەتاقى اكتيۆتەرىنىڭ ينۆەستيتسيالىق پورتفەلىنە اقش دوللارىن ساتىپ المادى. ناۋرىزدا دا ۆاليۋتا ساتىپ الۋعا قاتىستى جوسپار جوق", – دەپ اتاپ ءوتتى ۇب ءباسپاسوز قىزمەتى.

اشىقتىق قاعيداتى اياسىندا ۇلتتىق بانك ۆاليۋتا نارىعىندا جۇرگىزىلەتىن وپەراتسيالار تۋرالى اقپاراتتى تولىق اشىپ كورسەتۋدى جالعاستىرادى. قىسقامەرزىمدى كەلەشەكتە تەڭگەنىڭ ديناميكاسى نارىققا قاتىسۋشىلاردىڭ كۇتۋلەرىنە، توقساندىق سالىق تولەمدەرىنە، الەمدىك نارىقتارداعى احۋالعا جانە گەوساياسي جاعدايدىڭ وزگەرۋىنە بايلانىستى بولادى. ۇلتتىق بانك تەڭگەرىمسىزدىكتىڭ جيناقتالۋىن بولدىرمايتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانا بەرەدى.

Abai.kz