2024 جىلدىڭ 12 قازانىندا قايعىدان قان جۇتىپ، قارا جامىلعان ق.نۇرىموۆتىڭ باسپاناسىن ورتەپ كەتكەن ەدى

وسى وقيعاعا بايلانىستى الماتى وبلىسىنىڭ پروكۋراتۋراسى تەرگەۋ جۇمىستارىنىڭ قاي ساتىدا ەكەنىن ايتىپ بەردى.

بىلتىر باس پروكۋروردىڭ ورىنباسارى عالىمجان قويگەلديەۆ ءىستىڭ ءمان-جايىن جان-جاقتى انىقتاۋ ءۇشىن رەسەي فەدەراتسياسىنان سپۋتنيك سۋرەتتەرى كەلۋى كەرەك ەكەنىن، تەرگەۋدىڭ سول سەبەپتى كەشىككەنىن تۇسىندىرگەن-ءدى. 2025 جىلدىڭ تامىز ايىندا اتالعان دەرەك بويىنشا سوتقا دەيىنگى تەرگەپ-تەكسەرۋ جۇمىستارىنىڭ توقتاتىلعانى انىقتالدى.

– ق.نۇرىموۆتىڭ ۇيىندە بولعان ءورت دەرەگى بويىنشا تىركەلگەن قىلمىستىق ءىس اياسىندا قازىرگى ۋاقىتتا تەرگەۋ ورگانى قاجەتتى تەرگەۋ امالدارىن جۇرگىزىپ جاتىر. ولاردىڭ ناتيجەسى بويىنشا ءتيىستى پروتسەستىك شەشىم قابىلدانادى. اتالعان قىلمىستىق ىسكە قاتىستى وزگە دە مالىمەتتەر قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن جاريا ەتۋگە جاتپايدى، – دەپ جازىلعان وبلىس پروكۋرورى بەرىك اداموۆتىڭ جاۋابىندا.

سونداي-اق، قاداعالاۋ ورگانى سپۋتنيكتىك دەرەكتەردىڭ الىنعان-الىنباعانىن جانە بۇل ءىس بويىنشا كۇدىكتىلەردىڭ انىقتالۋىن ناقتىلاماعان.