قۇجاتتى قارجىلىق مونيتورينگ اگەنتتىگى "قۇقىق بۇزۋشىلىق پروفيلاكتيكاسى تۋرالى" زاڭعا سايكەس ازىرلەگەن.

اقپاراتتىق كەڭىستىكتە قۇقىققا قايشى كونتەنتتى انىقتاۋ جانە ونى بۇعاتتاۋ شارالارىن قابىلداۋ ماقساتىندا مونيتورينگ جۇرگىزۋ قاعيدالارىن بەكىتۋ تۋرالى بۇيرىق جوباسى "اشىق نقا" پورتالىندا قوعامدىق تالقىلاۋعا ۇسىنىلدى.

جوباعا سايكەس، قاعيدالار ۋاكىلەتتى ورگاننىڭ قۇزىرەتى شەگىندە اقپاراتتىق كەڭىستىككە، ونىڭ ىشىندە ينتەرنەت جەلىسىنە مونيتورينگ جۇرگىزۋ ءتارتىبىن ايقىندايدى. سونداي-اق قۇجاتتا مونيتورينگ جۇرگىزۋ بارىسىندا قۇقىققا قايشى كونتەنتتى انىقتاۋ جانە ونىڭ ينتەرنەت جەلىسىندەگى قولجەتىمدىلىگىن شەكتەۋ (بۇعاتتاۋ) بويىنشا شارالار قابىلداۋ كوزدەلگەن.

اتالعان ءىس-شارالاردى جۇزەگە اسىرۋ مەرزىمى نورماتيۆتىك قۇقىقتىق اكت قولدانىسقا ەنگىزىلگەن ساتتەن باستاپ جۇزەگە اسىرىلادى.

ايتا كەتەيىك، ونلاين-پلاتفورما وكىلدىكتەرىنە قۇقىققا قايشى كونتەنتتى جويۋ جونىندەگى ۋاكىلەتتى ورگاننىڭ نۇسقامالارىن ورىنداماعانى ءۇشىن اكىمشىلىك جاۋاپكەرشىلىك ەنگىزىلەدى.

Abai.kz