قر قارجى مينيسترلىگى ەلىمىزدەگى تاۋارلاردى ەسەپكە الۋدىڭ بىرىڭعاي تسيفرلى جۇيەسىن قالىپتاستىرۋدى كوزدەيتىن – «تاۋارلاردىڭ ۇلتتىق كاتالوگى» (تۇك) جوباسىن ەنگىزۋدى جالعاستىرىپ كەلەدى. جوبانىڭ نەگىزگى ماقساتى – تاۋار اينالىمىنىڭ بارلىق كەزەڭىندە ءبىرتۇتاس تسيفرلى ەسەپ-قيساپتى جولعا قويۋ، ساۋدا وپەراتسيالارىنىڭ اشىقتىعىن ارتتىرۋ جانە ەكونوميكاداعى ونىمدەر تۋرالى مالىمەتتەردىڭ ساپاسىن جاقسارتۋ.

ۇلتتىق كاتالوگتىڭ فۋنكتسيونالىن دامىتۋ مەنكەڭەيتۋ جونىندەگى جۇمىستىڭ اياسىندا دەرەكتەر كولەمى 400 مىڭنان 20 ملن استام تاۋار پوزيتسياسىنا دەيىن ۇلعايتىلدى.

وتپەلى كەزەڭدە ساۋدا قىزمەتىنىڭ ۇزدىكسىز جۇمىسىن قامتاماسىز ەتۋ ءۇشىن 5 177 579 ۋاقىتشا XTIN كودى جاسالىپ (2026 جىلدىڭ 12 ناۋرىزىنداعى جاعداي بويىنشا), بۇل نارىق قاتىسۋشىلارىنا تاۋارلاردىڭ تسيفرلىيدەنتيفيكاتورلارىن پايدالانۋدى جالعاستىرۋعا مۇمكىندىك بەردى.

تۇك نەگىزگى مەملەكەتتىك جانە كوممەرتسيالىق تسيفرلى جۇيەلەرمەن ينتەگراتسيالانعان. اتاپ ايتقاندا، مەملەكەتتىك ساتىپ الۋ جۇيەلەرىمەن (بساپجانە «سامۇرىق-قازىنا»), مەملەكەتتىك جوسپارلاۋمەن (مج اج), ەلەكتروندى شوت-فاكتۋرالارمەن (ەشف اج), Wildberries, Ozon, Flip.kz, O-Marketماركەتپلەيستەرىمەن, 1س تاۋارلىق ەسەپ جۇيەسى، Anvar, Small, Magnum ساۋدا جەلىلەرى، سونداي-اق فيسكالدىچەكتەردى قالىپتاستىراتىن فيسكالدى دەرەكتەر وپەراتورلارىمەن ءوزارا ءىس-قيمىل قامتاماسىز ەتىلدى. مۇنداي ينتەگراتسيا بارلىق كەزەڭدە بىرىڭعاي تسيفرلىتاۋار يدەنتيفيكاتورىن پايدالانۋعا مۇمكىندىك بەرەدى:ساتىپ الۋ مەن ەسەپكە الۋدان باستاپ ساتۋ كەزەڭىنە دەيىن.

مۇنىمەن قاتار مالىمەتتەردىڭ ساپاسىن ارتتىرۋ بويىنشا جۇيەلى جۇمىستار جۇرگىزىلىپ جاتىر. ايتالىق، بءىرىنشى كەزەڭدە كاتالوگ بوس جانە اقپاراتى جوق تاۋار كارتالارىنان (قايتا ىسكە قوسۋ مۇمكىندىگىن تەجەپ) تازارتىلدى. كەلەسى كەزەڭدەردە تاۋاردىڭ نەگىزگى (ەتالوندى) كارتاسىنا سىلتەمەنى كورسەتە وتىرىپ، كوشىرمە كارتالار (مالىمەتتەرءى قايتالانعان) ءوشىرىلدى. بۇل جۇيەدەگى دەرەكتەردىڭ تۇتاستىعى مەن ۇيلەسىمدىلىگىن ساقتاۋعا مۇمكىندىك بەرءدى.

پايدالانۋشىلارعا ىڭعايلى بولۋ ءۇشىن تاۋار دەرەكتەرىن تۇك-نا جۇكتەۋ مەن الۋ ءۇشىن 11 سەرۆيس ازىرلەندى. سونداي-اق تجق جج تاۋارلار جىكتەۋىشىنىڭ قۇرىلىمىن تولتىرۋ جانە وزەكتەندىرۋ ءۇشىن جەكە كابينەتتىڭ اۆتوماتتاندىرىلعان جۇمىس ورنى رەتتەلدى.

تاۋارلاردى جىكتەۋ ەداۋىر كەڭەيتىلدى. تجق جج 2.0 جاڭارتىلعان نۇسقاسىندا ءونىم تۇرلەرىنىڭ سانى شامامەن 12 مىڭنان 61 مىڭعا دەيىن ۇلعايتىلدى (2026 جىلعى 27 اقپانداعى جاعداي بويىنشا).

اتالعان مەملەكەتتىك دەرەكتەر بازاسى تاجىريبەلىك ماقساتتا قولدانىسقا ەنگىزىلىپ، جۇمىس ىستەپ تۇر. بۇل رەتتە ونى قولدانۋ زاڭ اياسىندا بەكىتىلگەنءىن ايتا كەتەيىك. 2026 جىلدىڭ 1 قاڭتارىنان باستاپ «ساۋدا قىزمەتى تۋرالى» قر زاڭىنا سايكەس تۇك مىندەتتىتۇردە قولدانۋدى كوزدەيتىن وزگەرىستەر كۇشىنە ەندى. سونداي-اق باقىلاۋ-كاسسالىق ماشينالاردا تۇك قولدانۋ قاعيدالارى بەكىتىلءىپ, ەلەكتروندى شوت-فاكتۋرالاردى جازىپ بەرۋ قاعيدالارىنا جانە جۇكقۇجاتتار مەن قابىلداۋ-بەرۋ اكتىلەرىن قوسا العاندا، كەلىسىمشارتتاردىڭ اتقارۋشىلىق قۇجاتتارىندا تۇك كودتارىن پايدالانۋ بولىگىندە مەملەكەتتىك ساتىپ الۋدى جۇزەگە اسىرۋ قاعيدالارىنا وزگەرىستەر ەنگىزىلدى.

قر قم كاتالوگتى قولدانۋدى كەڭەيتىپ، ونى مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالاۋ بويىنشا جۇمىستى دا جالعاستىرىپ كەلە جاتقانىن اتاپ وتكەن ءجون. اتاپ ايتقاندا، «ە-ليتسەنزيالاۋ» مەملەكەتتىك دەرەكتەر بازاسىمەن ينتەگراتسيانى جۇزەگە اسىرۋ دايىندالىپ جاتىر. سونىمەن قوسا «كەدەن» اقپارات جۇيەسىنىڭ كەدەن دەكلاراتسيالارىنا كاتالوگ كودتارىن ەنگىزۋ بويىنشا جۇمىس جالعاسىپ كەلەدى. وسىعان دەيىن جۇيەنىڭ فۋنكتسيونالى الدىن الا كورسەتىلىپ, ونى جەءتىلدىرۋ بويىنشا ۇسىنىستار بەرىلگەن بولاتىن.

جۇيەنى كەزەڭ-كەزەڭىمەن ەنگىزۋ ءۇشىن «اتامەكەن»ۇكپ ىنتىماقتاستىق تۋرالى مەموراندۋمعا قول قويىلدى، سونداي-اق 2025 جىلدىڭ سوڭىنا دەيىن ەكونوميكانىڭ بارلىق سالاسىندا تۇك ەنگىزۋ جونىندەگى جول كارتاسى بەكىتىلدى.

بيزنەس وكىلدەرىمەن بىرلەسىپ تۇراقتى نەگىزدە اقپاراتتىق-ءتۇسىندىرۋ جۇمىستارى جۇرگىزىلىپ جاتىر. اپتا سايىن ساۋدا سالالارىنىڭ وكىلدەرىمەن ونلاين-كەزدەسۋلەر ۇيىمداستىرىلىپ، وندا تاۋار كارتاسىمەنجۇمىس ىستەۋ ءتارتىبى، ەرەكشە بەلگىلەردى (اتريبۋتتاردى) تولتىرۋعا قويىلاتىن تالاپتار مەنكاتالوگتى قولدانۋدىڭ پراكتيكالىق ماسەلەلەرى ءتۇسىندىرىلىپ كەلەدى. ءوزارا بايلانىستىڭ ناتيجەلەرىجۇيەنى ودان ءارى جەتىلدىرۋ ءۇشىن قولدانىلىپ كەلە جاتقانىن ايتا كەتۋ كەرەك.

ۇلتتىق كاتالوگتى ەنگىزۋ قازاقستانداعى تاۋارلاردى ەسەپكە الۋدىڭ بىرىڭعاي تسيفرلى كەڭىستىگىن قالىپتاستىرىپ, ساۋدا وپەراتسيالارىنىڭ اشىقتىعىن ارتتىرادى جانە وتاندىق تسيفرلى ەكونوميكانى دامىتۋعا سەپتىگىن تيگىزەدى.

Abai.kz