رەفەرەندۋم كۇنى سايلاۋ ۋچاسكەلەرىندە ەرەكشە كوڭىل كۇي سىيلاعان «كەزدەيسوق كومپليمەنت» اكتسياسى ءوتتى. داۋىس بەرىپ شىققان ءاربىر قاتىسۋشى ارنايى قوراپتان شاعىن قاعاز سۋىرىپ، جۇرەككە جىلى تيەتىن تىلەكتەر مەن كومپليمەنتتەرگە يە بولدى.

قاتىسۋشىلارعا ارنالعان جازبالاردىڭ ىشىندە:

«كۇنىڭىز داۋىس بەرۋگە كەلگەن شەشىمىڭىزدەي جاقسى ءوتسىن!»،

«كۇلىمسىرەگەنىڭىز بەن بەلسەندىلىگىڭىز ءۇشىن راحمەت!»،

«ءسىز بۇل كۇندى ودان دا جارقىن ەتتىڭىز!» سياقتى جىلى سوزدەر بولدى.

بۇل شاعىن عانا باستاما سايلاۋشىلارعا جاقسى كوڭىل كۇي سىيلاپ، ازاماتتىق بەلسەندىلىكتىڭ ءاربىر كورىنىسى ماڭىزدى ەكەنىن ەسكە سالدى. كوپتەگەن تۇرعىندار مۇنداي جاعىمدى توسىنسىيلار كۇننىڭ مەرەكەلىك اتموسفەراسىن ارتتىرا تۇسكەنىن اتاپ ءوتتى.

سۋرەت: الەۋمەتتىك جەلىدەن الىندى

بۇگىن ەلوردا تۇرعىندارى ەرەكشە پەرفورمانستىڭ كۋاسى بولدى: رەسپۋبليكالىق رەفەرەندۋم كۇنى قالا كوشەلەرى بويىمەن ەڭ تەحنولوگيالىق ءارى سۇيكىمدى قوناقتار — روبوت پەن بارس ادلەت ءجۇرىپ ءوتتى!

بۇل جارقىن كەيىپكەرلەر تەك جۇرگىنشىلەردى قىزىق قىلماي، بارلىق استانالىقتارعا كەرەمەت كوڭىل-كۇي سىيلادى.

Abai.kz