قازاقستانعا حالىقارالىق ميسسيا قۇرامىندا كەلگەن ارمەنيا رەسپۋبليكاسىنىڭ ورتالىق سايلاۋ كوميسسياسىنىڭ توراعاسى ۆااگن وۆاكيميان رەسپۋبليكالىق رەفەرەندۋم بارىسى تۋرالى ءوز اسەرىمەن ءبولىستى.

ءبىز ءۇشىن ەڭ باستىسى – باسقا ەلدەردە سايلاۋ مەن رەفەرەندۋمداردىڭ قالاي ۇيىمداستىرىلاتىنىن كورۋ. ءبىر-ءبىرىمىزدىڭ تاجىريبەلەرىمىزدى زەرتتەپ، قانداي ءتيىمدى تاسىلدەردى قولدانۋعا بولاتىنىن سارالايمىز. بۇل – دوستىق ءارى كاسىبي تاجىريبە الماسۋ، – دەدى ول.

باقىلاۋشى اسىرەسە سايلاۋ ۋچاسكەلەرىندەگى ۇيىمداستىرۋ جۇمىستارىنا نازار اۋداردى.

مەن بارعان بارلىق ۋچاسكەدە مەملەكەتتىك رامىزدەر – تۋ، ەلتاڭبا، سونداي-اق ازاماتتارعا ارنالعان اقپاراتتىق بۇرىشتار قويىلعان. ارمەنيادا مۇنداي بۇرىشتار مەكتەپتەردە بار. ال مۇندا ولاردىڭ الدەقايدا جۇيەلى ۇيىمداستىرىلعانىن كوردىم. بۇل ءبىز ءۇشىن وتە قىزىقتى ءارى پايدالى تاجىريبە، – دەپ اتاپ ءوتتى ول.

سونداي-اق ۆااگن وۆاكيميان داۋىس بەرۋ بارىسىندا ءبارى تىنىش ءارى رەتتەلگەن ەكەنىن دە جەتكىزدى.

داۋىس بەرۋ پروتسەسى بىرقالىپتى وتۋدە، ازاماتتار ەركىن ءارى سەنىمدى تۇردە داۋىس بەرىپ جاتىر. بارلىعى ءار ادامعا قولايلى ءارى جەڭىل قاتىسۋعا مۇمكىندىك بەرەتىندەي ۇيىمداستىرىلعان. مۇنداي پروتسەستى باقىلاۋ – تاجىريبە جيناپ، ۇيرەنۋدىڭ جاقسى مۇمكىندىگى. بۇل – رەفەرەندۋمدى جوعارى دەڭگەيدە ۇيىمداستىرىپ، ازاماتتارعا قۇرمەت كورسەتۋدىڭ ايقىن ۇلگىسى. قازاقستانعا بەيبىتشىلىك، بىرلىك جانە تۇراقتى دامۋ تىلەيمىن، – دەدى ول.

Abai.kz