الماتى قالاسىنداعى «اتامۇرا» كىتاپ ۇيىندە بەلگىلى جازۋشى قۋاندىق تۇمەنبايدىڭ «كوك كەپتەردىڭ كورگەنى» اتتى كىتابىنىڭ تۇساۋكەسەرى ءوتتى. ءىس-شارا «اتامۇرا» كىتاپ ءۇيىنىڭ جاڭارتىلىپ، قايتا اشىلۋىمەن قاتار ۇيىمداستىرىلدى.

سۋرەت: شارا ۇيىمداستىرۋشىلارىنان الىندى.

اتالعان كىتاپقا اۆتوردىڭ حيكاياتتارى مەن اڭگىمەلەرى توپتاستىرىلعان. جيناقتاعى «كوك كەپتەردىڭ كورگەنى» حيكاياتىندا ادام جانىن ەمدەۋشى دارىگەر مەن قۇستار الەمى ءوزارا استاسىپ، ىزگىلىك پەن مەيىرىم تاقىرىبى شىنايى كورىنىس تابادى.

سۋرەت: شارا ۇيىمداستىرۋشىلارىنان الىندى.

سونىمەن قاتار «مەشىتتىڭ ماڭى»، «تالتۇستە وتكەن توي»، «قوي باققان بالەرون» جانە وزگە دە اڭگىمەلەرىندە جازۋشى زامانداستار بەينەسىن، ولاردىڭ مىنەز-قۇلقى مەن بۇگىنگى قوعامداعى وزگەرىستەردى كوركەم تىلمەن ورنەكتەيدى. جيناقتاعى شىعارمالاردا قازىرگى قازاق پروزاسىنداعى ادامگەرشىلىك تاقىرىبى مەن قوعام كورىنىسى جاڭا قىرىنان سۋرەتتەلگەن.

سۋرەت: شارا ۇيىمداستىرۋشىلارىنان الىندى.

ءىس-شاراعا اۆتور قۋاندىق تۇمەنباي، ادەبيەت سۇيەر قاۋىم، وقىرماندار جانە باق وكىلدەرى شاقىرىلدى.

سۋرەت: شارا ۇيىمداستىرۋشىلارىنان الىندى.

«اتامۇرا» كىتاپ ۇيى تۋرالى:
«اتامۇرا» كىتاپ ءۇيى — ۇلتتىق ادەبيەتتى ناسيحاتتاۋعا باعىتتالعان ماڭىزدى مادەني ورىنداردىڭ ءبىرى. جاڭارتىلعان فورماتتا اشىلۋى وقىرماندار ءۇشىن جاڭا مۇمكىندىكتەر ۇسىنادى.

Abai.kz