اينالىمى كۇنتىزبەلىك جىل ىشىندە، سونداي-اق وسى باپتا كوزدەلگەن جاعدايلاردا اينالىمنىڭ شەكتى شەگىنەن اساتىن سالىق تولەۋشىلەر سالىق تولەۋشىنى تىركەۋ ەسەبىنە مىندەتتى تۇردە قويۋعا جاتادى.

سالىقتىق ءوتىنىش اينالىمنىڭ شەكتى شەگىنەن اسقان كەزدە، بىراق اينالىمنىڭ شەكتى شەگىنەن اسقان كۇننەن باستاپ بەس جۇمىس كۇنىنەن كەشىكتىرىلمەي بەرىلەدى.

اينالىمنىڭ شەكتى شەگى – ءتيىستى قارجى جىلىنىڭ 1 قاڭتارىندا قولدانىستا بولاتىن ايلىق ەسەپتىك كورسەتكىشتىڭ 10 000 (قازاقستان رەسپۋبليكاسىنىڭ «رەسپۋبليكالىق بيۋدجەت تۋرالى» زاڭىنا سايكەس، 1 ايلىق ەسەپتىك كورسەتكىشتىڭ مولشەرى 4 325 تەڭگەنى قۇرايدى) ەسەلەنگەن مولشەرىنە تەڭ اينالىم  (سالىق كودەكسىنىڭ 99- بابىنىڭ 4- تارماقشاسى).

قوسىلعان قۇن سالىعى بويىنشا تىركەۋگە قويۋ ماقساتىندا اينالىم مولشەرى مىناداي اينالىمداردىڭ جيىنتىعى رەتىندە ايقىندالادى:

1) بەيرەزيدەنت قازاقستان رەسپۋبليكاسىندا قىزمەتىن جۇزەگە اسىراتىن جاڭادان قۇرىلعان رەزيدەنت-زاڭدى تۇلعا، قۇرىلىمدىق بولىمشە – تىركەۋشى ورگاندا مەملەكەتتىك (ەسەپتىك) تىركەلگەن كۇننەن باستاپ;

2) سالىق ورگاندارىندا دارا كاسىپكەردى تىركەۋ ەسەبىنە قايتا تۇرعان جەكە تۇلعا – دارا كاسىپكەر تىركەۋ ەسەبىنە قويىلعان كۇننەن باستاپ;

3) ارناۋلى سالىق رەجيمىن قولدانعان سالىق تولەۋشى – جالپىعا بىردەي بەلگىلەنگەن سالىق سالۋ تارتىبىنە كوشكەن كۇننەن باستاپ;

4) وزگە سالىق تولەۋشى – اعىمداعى كۇنتىزبەلىك جىلدىڭ 1 قاڭتارىنان باستاپ ايقىندالادى.

ەگەر ءسىزدىڭ اينالىمىڭىز قوسىلعان قۇن سالىعى بويىنشا مىندەتتى تىركەۋ ءۇشىن بەلگىلەنگەن ەڭ تومەنگى شەكتى ماننەن اسىپ كەتسە، سىزگە قوسىلعان قۇن سالىعى تولەۋشىسى رەتىندە تىركەلۋ قاجەت.

ج.ا.باەزوۆ، المالى اۋدانى بويىنشا مكب باس مامانى

Abai.kz