پارسى شىعاناعى ايماعىندا قارۋلى قاقتىعىس باستالعاننان بەرى ورمۋز بۇعازى ارقىلى وتەتىن مۇناي تانكەرلەرىنىڭ سانى 90% ازايدى. بۇل تۋرالى باحرەين سىرتقى ىستەر ءمينيسترى ابدەل لاتيف بەن راشەد ءاز-زاياني مالىمدەدى. 

— بيىلعى جىلدىڭ 28 اقپانىنان باستاپ ورمۋز بۇعازى ارقىلى تانكەرلەر تاسىمالى 90%-دان استامعا قىسقاردى، — دەدى مينيستر.

ونىڭ ايتۋىنشا، ورمۋز بۇعازىنداعى جاعداي حالىقارالىق قۇقىق پەن جاھاندىق ازىق-تۇلىك قاۋىپسىزدىگىنە قاۋىپ توندىرەدى.

— ورمۋز بۇعازىنداعى داعدارىستى شەشۋدە ۋاقىت وتە ماڭىزدى جانە ونى شەشۋ حالىقارالىق قاۋىمداستىقتىڭ شۇعىل ارەكەتىن تالاپ ەتەدى، — دەدى ءاز-زاياني.

يران باسشىلىعى اقش، يزرايل جانە وپەراتسيانى قولداعان باسقا ەلدەردىڭ كەمەلەرى ءۇشىن ورمۋز بۇعازىن جابۋ تۋرالى شەشىم قابىلدادى. قاقتىعىس كەزىندە بىرنەشە تانكەر تەگەراننىڭ رۇقساتىنسىز بۇعازدان وتپەك بولعان كەزدە شابۋىلعا ۇشىرادى.

ەسكە سالا كەتەيىك، 28 اقپاندا اقش پەن يزرايل يرانعا قارسى اسكەري وپەراتسيا باستادى. يراننىڭ ءىرى قالالارى، سونىڭ ىشىندە تەگەران دا سوققىعا جىعىلدى. سونىمەن بىرگە اقش يران حالقىن ءوز ۇكىمەتىنە قارسى كوتەرىلىپ، بيلىكتى باسىپ الۋعا اشىق تۇردە شاقىردى. سوققىلاردان يراننىڭ رۋحاني كوسەمى اياتوللا ءالي حامەنەي مەن يسلام رەسپۋبليكاسى باسشىلىعىنداعى تاعى بىرنەشە ماڭىزدى تۇلعالار قازا تاپتى. يران باحرەين، يوردانيا، كاتار، كۋۆەيت، ءباا جانە ساۋد ارابياسىنداعى يزرايل مەن اقش نىساندارىنا قارسى جاۋاپ وپەراتسيالارىن باستادى.

Abai.kz