تۋريزم الماتى ەكونوميكاسىنداعى ۇلەسىن ارتتىرىپ، نەگىزگى قارجىلىق كورسەتكىشتەر بويىنشا تۇراقتى ءوسىم كورسەتىپ كەلەدى.

2025 جىلى كورسەتىلگەن تۋريستىك قىزمەتتەردىڭ كولەمى 15,2%-عا ارتىپ، 110,9 ملرد تەڭگەگە جەتتى.

سالاعا تارتىلعان ينۆەستيتسيالاردىڭ جالپى كولەمى 198,8 ملرد تەڭگە بولىپ، 39,4%-عا ءوستى. ينۆەستيتسيانىڭ باسىم بولىگى قالاارالىق جولاۋشىلار تەمىرجول تاسىمالىنا، ونەر، ويىن-ساۋىق جانە دەمالىس سالاسىنا، جولاۋشىلاردى قۇرلىقپەن جانە اۋە كولىگىمەن تاسىمالداۋعا، ورنالاستىرۋ جانە تاماقتاندىرۋ قىزمەتتەرىنە، سونداي-اق جەڭىل اۆتوكولىكتەردى جالعا بەرۋ مەن ليزينگكە باعىتتالدى.

2025 جىلدىڭ قورىتىندىسى بويىنشا تۋريزم سالاسىنان تۇسكەن سالىق ءتۇسىمى 27,2%-عا ءوسىپ، 84 ملرد تەڭگەگە جەتتى. نەگىزگى ۇلەستى قوعامدىق تاماقتانۋ، سپورت، دەمالىس جانە ويىن-ساۋىق، سونداي-اق ۋاقىتشا ورنالاستىرۋ قىزمەتتەرى قامتاماسىز ەتتى.

اتالعان كورسەتكىشتەر تۋريستىك سالانىڭ تۇراقتى دامىپ كەلە جاتقانىن جانە ونىڭ الماتى ەكونوميكاسىنا ەلەۋلى ۇلەس قوسىپ وتىرعانىن كورسەتەدى. بۇل ءتۋريزمنىڭ قالا ءوسىمىنىڭ باسىم باعىتتارىنىڭ ءبىرى ەكەنىن تاعى ءبىر مارتە دالەلدەيدى. وسىعان بايلانىستى تۋريستەردى تارتۋعا، ينۆەستيتسيالىق بەلسەندىلىكتى ىنتالاندىرۋعا جانە شاھاردى حالىقارالىق دەڭگەيدە ىلگەرىلەتۋگە باعىتتالعان الماتى قالاسى تۋريزم باسقارماسىنىڭ كەشەندى ماركەتينگتىك ساياساتىن ىسكە اسىرۋ ەرەكشە ماڭىزعا يە بولىپ وتىر.

Abai.kz