جىلۋمەن جابدىقتاۋ سالاسىندا ماڭعىستاۋ وبلىسى انتيرەيتينگتىڭ ءابسوليۋتتى كوشباسشىسى اتاندى – مۇندا بۇعان دەيىن 47 كم جەلى سالۋ جوسپارلانعان ەدى. ءساۋىر ايىنىڭ باسىنداعى جاعداي بويىنشا جوسپاردىڭ ورىندالۋ كورسەتكىشى 0%. سقو-دا 22 شاقىرىمنىڭ 2-ەۋى عانا تاپسىرىلدى (جوسپار-كەستە 9%-عا ورىندالدى). شقو-دا بەكىتىلگەن 39 كم-ءدىڭ 8-ءىن عانا سالىپ، جوسپار-كەستەنى 20% عانا ورىندادى. ۇزدىك التىلىققا (توپ-6) جامبىل وبلىسى (17 كم-ءدىڭ 3 كم-ءى، جوسپار 21%-عا ورىندالدى), الماتى وبلىسى (5 كم-ءدىڭ 2 كم-ءى، جوسپار 32%-عا ورىندالدى) جانە اباي وبلىسى (14 كم-ءدىڭ 5 كم-ءى، جوسپار 32%-عا ورىندالدى) كىردى.

ەلەكترمەن جابدىقتاۋ سالاسىندا اباي وبلىسى ارتتا قالۋشىلار ءتىزىمىنىڭ كوش باسىندا تۇر: 422 شاقىرىم جوسپارلانسا دا، ورىندالۋ كورسەتكىشى 0%. سولتۇستىك قازاقستان وبلىسىندا 1 636 كم-ءدىڭ 62 كم-ءى تارتىلدى – كەستەنىڭ ورىندالۋى 4%. انتيرەيتينگتىڭ ءۇشىنشى ساتىسىندا قىزىلوردا وبلىسى تۇر – 373 شاقىرىمنىڭ 67 شاقىرىمى نەمەسە 18%-ى ورىندالدى. ۇزدىك التىلىققا قاراعاندى وبلىسى (947 كم-ءدىڭ 204 كم-ءى، جوسپاردىڭ 22%-ى), پاۆلودار وبلىسى (486 كم-ءدىڭ 147 كم-ءى، 30%) جانە باتىس قازاقستان وبلىسى (4 176 كم-ءدىڭ 1 753 كم-ءى، 42%) ەندى.

سۋمەن جابدىقتاۋ سالاسىندا انتيرەيتينگتى قىزىلوردا وبلىسى باستاپ تۇر. مۇندا ءىس-شارالار جوسپارى بويىنشا بەكىتىلگەن 22 كم جەلىنىڭ 1 كم-ءى عانا تارتىلعان (ورىندالۋى 3%). ودان كەيىن 69 كم-ءدىڭ 5 كم-ءىن ورىنداعان پاۆلودار وبلىسى ورنالاسقان (ورىندالۋى 7%). انتيليدەرلەر ۇشتىگىن 44 كم-ءدىڭ 6 كم-ءىن ورىنداعان استانا قالاسى تۇيىندەيدى (ورىندالۋى 13%). شىمكەنتتە (109 كم-ءدىڭ 23 كم-ءى، 21%), بقو-دا (34 كم-ءدىڭ 8 كم-ءى، 23%) جانە الماتىدا (145 كم-ءدىڭ 37 كم-ءى، 25%) جاعداي ءسال عانا جاقسىراق.

سۋ بۇرۋ سالاسىندا ءىس-شارالار جوسپارىنىڭ ورىندالۋى بويىنشا باتىس قازاقستان وبلىسىنداعى جاعداي ەڭ ناشار بولىپ تۇر – جوسپارلانعان 21 كم-ءدىڭ ەشبىرى دە ورىندالماعان،  سايكەسىنشە 0% كورسەتكىشپەن ءوڭىر «كوش باستاپ» تۇر. ماڭعىستاۋ وبلىسىندا جاعداي ءسال عانا جاقسىراق: جوسپارلانعان 29 كم-ءدىڭ 0 كم-ءى ورىندالسا دا، جوسپاردىڭ ورىندالۋى 1%-دى قۇرادى. استانادا جوسپارلانعان 29 كم-ءدىڭ تۇتاس ءبىر كيلومەترى ءساتتى اياقتالىپ، جوسپار بىردەن 3%-عا ورىندالدى. سونداي-اق اقمولا وبلىسى (48 كم-ءدىڭ 5 كم-ءى، 9%), اباي وبلىسى (38 كم-ءدىڭ 4 كم-ءى، 10%) جانە سولتۇستىك قازاقستان وبلىسى (20 كم-ءدىڭ 3 كم-ءى، 13%) جوسپارلاردى ىسكە اسىرۋعا اسىعار ەمەس.

ەستەرىڭىزگە سالا كەتەيىك، 3 ساۋىردە وتكەن جوبالىق كەڭسە وتىرىسىندا قر پرەمەر-ءمينيسترىنىڭ ورىنباسارى قانات بوزۋمباەۆ 2027 جىلعا قاراي اكىمدىكتەر تۇرعىن ءۇي-كوممۋنالدىق شارۋاشىلىق سالاسىنداعى «قىزىل ايماقتى» تولىعىمەن جويۋى ءتيىس ەكەنىن اتاپ ءوتتى. ۋاقىتىلى ورىندالماعان جانە ساپاسىز ورىندالعان جاعدايدا دەربەس جاۋاپكەرشىلىك شارالارى قولدانىلادى.

انىقتاما: «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى رەسپۋبليكا بويىنشا 2029 جىلعا دەيىن ىسكە اسىرىلىلادى. جوبا كوممۋنالدىق ينفراقۇرىلىمنىڭ توزۋىن 40%-عا دەيىن تومەندەتۋگە جانە اپات قاۋپىن 20%-عا قىسقارتۋعا باعىتتالعان.

Abai.kz