پرەزيدەنتتىڭ تسيفرلاندىرۋدى دامىتۋ جونىندەگى تاپسىرماسى اياسىندا ۇلتتىق ۇلاننىڭ 5573 اسكەري بولىمىندە جاساندى ينتەللەكتكە نەگىزدەلگەن زاماناۋي بەينەباقىلاۋ جۇيەسى سىناقتان ءوتىپ جاتىر. جۇيە قولدانىستاعى كامەرالارعا قوسىلىپ، بەينەاعىندى تاۋلىك بويى ۇزدىكسىز تالدايدى.

ونىڭ باستى ەرەكشەلىگى – ساربازداردىڭ كۇندەلىكتى ءجۇرىس-تۇرىسىن، مىنەز-قۇلقىن جانە ەموتسيالىق جاعدايىن سارالاۋىندا. ياعني، جۇيە تەك بەينەنى تىركەپ قانا قويماي، سارباز بويىنداعى وزگەرىستەردى دە انىقتاپ، مىنەز-قۇلىقتاعى كۇماندى بەلگىلەرگە تالداۋ جاسايدى.

“ەگەر ساربازداردىڭ ارەكەتىنەن اگرەسسيا بايقالسا، جاساندى ينتەللەكتكە نەگىزدەلگەن جۇيە ءبولىم كومانديرلەرىنە، تاربيەشىلەر مەن پسيحولوگتارعا مەسسەندجەر ارقىلى سيگنال جىبەرەدى. بۇل دەر كەزىندە ارەكەت ەتۋگە مۇمكىندىك بەرەدى”، – دەدى ۇلتتىق ۇلاننىڭ رەسمي وكىلى الىبەك ابديلوۆ.

سونىمەن قاتار، بەينەماتەريالدار ارنايى پلاتفورمادا ساقتالادى.

ايتا كەتەيىك، ەگەر جۇيە تيىمدىلىگىن دالەلدەسە، ونى باسقا اسكەري بولىمدەرگە دە ەنگىزۋ جوسپارلانىپ وتىر.

Abai.kz