قاراعاندى وبلىسىندا «كىتاپ وقيتىن ۇلت» جوباسى اياسىنداعى «كىتاپ وقيتىن مەملەكەتتىك قىزمەتشى» باعىتىنىڭ فينالدىق كەزەڭى ءوز مارەسىنە جەتتى. جوباعا وبلىستىڭ بارلىق اۋدان-قالالارىنان 1500-دەن استام مەملەكەتتىك قىزمەتشى قاتىستى.

جوبا قاتىسۋشىلارى قاتارىندا ءتۇرلى دەڭگەيدەگى اكىمدىكتەردىڭ قىزمەتكەرلەرى، وبلىستىق باسقارمالار، پوليتسيا دەپارتامەنتتەرى، توتەنشە جاعدايلار، قورعانىس سالاسى، سونداي-اق مەملەكەتتىك كىرىستەر ورگاندارى مەن پروكۋراتۋرا وكىلدەرى بولدى. قاتىسۋشىلار اراسىندا وبلىستىق باسقارما باسشىلارى، اۋدان اكىمدەرىنىڭ ورىنباسارلارى جانە باسقا دا مەملەكەتتىك ورگاندار وكىلدەرى بار.

التى اي بويى قاتىسۋشىلار ارنايى ساراپشىلار كوميسسياسى ىرىكتەگەن 15 كىتاپتان وقىپ شىقتى. تىزىمگە اباي قۇنانبايۇلى، مۇحتار اۋەزوۆ، باۋىرجان مومىشۇلى، لي كۋان يۋ، توماس سيبەل سىندى اۆتورلاردىڭ ەڭبەكتەرى ەندى.

فينالدىڭ ەرەكشەلىگى – قازاق جانە ورىس ليگالارى بويىنشا ەكى باعىتتا وتكەن كوماندالىق فورمات بولدى. اۋداندىق جانە قالالىق ىرىكتەۋ كەزەڭدەرىنىڭ جەڭىمپازدارى قۇراما جاساقتاپ، تەك بىلىمدەرىن عانا ەمەس، كوماندالىق ۇيلەسىمدىلىكتەرىن دە كورسەتتى.

قورىتىندى ناتيجەلەر بويىنشا جۇلدەلى ورىندار تومەندەگىدەي ءبولىندى:

قازاق ليگاسى:

I ورىن – بۇقار جىراۋ اۋدانىنىڭ قۇراماسى:

مەيرام تۇلەۋوۆ – اۋدان اكىمدىگىنىڭ اۋىل شارۋاشىلىعى ءبولىمى سەكتورىنىڭ مەڭگەرۋشىسى;

اينۇر قۇرداباەۆا – ۇمىتكەر اۋىلدىق وكرۋگىنىڭ باس مامانى;

اقنۇر ءالى – بوتاقارا اۋىلدىق وكرۋگىنىڭ باس مامانى.

II ورىن – بالقاش قالاسىنىڭ كومانداسى:

ايجان اسىلحان – مەملەكەتتىك اكتيۆتەر جانە ساتىپ الۋ ءبولىمىنىڭ باس مامانى;

بايان ۋرماتوۆا – ىشكى ساياسات ءبولىمىنىڭ باس مامانى;

بوتاگوز باعلانوۆا – پەرسونالدى باسقارۋ قىزمەتىنىڭ باس مامانى.

III ورىن – قارقارالى اۋدانىنىڭ وكىلدەرى:

ايان كيزكين – اۋدان اكىمدىگىنىڭ ءباسپاسوز حاتشىسى;

بالجان شالدانباەۆا – جاڭاتوعان اۋىلدىق وكرۋگىنىڭ باس مامانى;

سايا اسكەن – ءبىلىم ءبولىمىنىڭ باس مامانى.

ورىس ليگاسى:

I ورىن – قاراعاندى قالاسىنىڭ كومانداسى:

لاريسا گۋچەنكو – قارجى جانە مەملەكەتتىك اكتيۆتەر باسقارماسىنىڭ باس مامانى;

بەرىك دوسىمبەكوۆ – دەنە شىنىقتىرۋ جانە سپورت باسقارماسىنىڭ باسشىسى;

جۇلدىز جوراەۆا – ەكونوميكا جانە قارجى ءبولىمىنىڭ سەكتور مەڭگەرۋشىسى.

II ورىن – ساران قالاسىنىڭ قۇراماسى:

ەلەونورا نەحوروشەۆا – قالا اكىمى اپپاراتىنىڭ باس ينسپەكتورى;

جۇمابيكە تايبەكوۆا – قالا اكىمى اپپاراتىنىڭ باس ينسپەكتورى;

يۋليا باششۋك – اقتاس كەنتىنىڭ باس مامانى.

III ورىن – تەمىرتاۋ قالاسىنىڭ قاتىسۋشىلارى:

داۋلەت دايىروۆ – تۇرعىن ءۇي ينسپەكتسياسى ءبولىمىنىڭ باسشىسى;

ۆلاديمير كونەۆ – توتەنشە جاعدايلار باسقارماسىنىڭ ءورت ءسوندىرۋ ءبولىمىنىڭ باستىعى;

اسلانبەك وسپان – مەملەكەتتىك اكتيۆتەر جانە ساتىپ الۋ ءبولىمىنىڭ باس مامانى.

جەڭىمپاز قاراعاندى كومانداسىنىڭ جارقىن قاتىسۋشىلارىنىڭ ءبىرى – وبلىستىق دەنە شىنىقتىرۋ جانە سپورت باسقارماسىنىڭ باسشىسى بەرىك دوسىمبەكوۆ. ونىڭ ايتۋىنشا، جوباعا قاتىسۋ تەك قىزمەتتىك مىندەت ەمەس، جەكە سىناق بولدى:

«ارينە، كىتاپ وقۋ – ءار ادامنىڭ جەكە تاڭداۋى. بىراق باسشى رەتىندە وزگەلەرگە ۇلگى كورسەتۋ ماڭىزدى. بۇل تەك جۇمىس ءۇشىن ەمەس، ءار ادامنىڭ جەكە دامۋى ءۇشىن دە پايدالى. مەملەكەت باسشىسىنىڭ كىتاپ وقۋباستاماسىن كوتەرگەندە، كىتاپ وقۋ مادەنيەتىنىڭ ماڭىزىن تەرەڭ تۇسىنگەنى انىق. وسى جوباعا وبلىس باسشىلىعىنىڭ ەرەكشە قولداۋ كورسەتۋى – وتە ماڭىزدى. مەن ءۇشىن بۇل جوبا وزىندىك ءبىر چەللەندج بولدى، ونى ۇلكەن قىزىعۋشىلىقپەن قابىلدادىم»، – دەدى ول.

ول سونداي-اق جوبا مەملەكەتتىك قىزمەتشىلەرگە ءوزىن-ءوزى دامىتۋعا ۋاقىت تابۋدىڭ ماڭىزىن كورسەتتى دەپ اتاپ ءوتتى:

«قاربالاسقا قاراماستان، پايدالى ادەبيەتتەردى وقۋعا مۇمكىندىك تابۋ – وتە ماڭىزدى. بۇل جوبا ءوز مۇمكىندىگىمدى دالەلدەۋگە، سونداي-اق سپورت سالاسىنداعى ادامدار كىتاپ وقىمايدى دەگەن ستەرەوتيپتى بۇزۋعا ىقپال ەتتى. ەڭ باستىسى – ەلىمىزدە ءبىلىمدى، باسەكەگە قابىلەتتى ۇلت قالىپتاستىرۋ باستاماسىن قولداۋ».

جوبا تاعى ءبىر مارتە قازىرگى زامانعى مەملەكەتتىك قىزمەتشىنىڭ جان-جاقتى تۇلعا ەكەنىن دالەلدەدى. فينال ءتۇرلى ۆەدومستۆو وكىلدەرىن بىرىكتىرىپ، ورتاق قۇندىلىقتار نەگىزىندە ناعىز كوماندا قالىپتاستىرا الاتىنىن كورسەتتى.

قاتىسۋشىلاردىڭ جۇمىسىن ادەبيەت، ءبىلىم جانە مەملەكەتتىك باسقارۋ سالاسىنداعى ساراپشىلاردان قۇرالعان قازىلار القاسى باعالادى. قازىلار القاسىنىڭ توراعاسى – قر پرەزيدەنتى جانىنداعى مەملەكەتتىك باسقارۋ اكادەمياسىنىڭ قاراعاندى فيليالىنىڭ ديرەكتورى، فيلوسوفيا دوكتورى سەرىكجان بايبوسىنوۆ.

«كىتاپ وقيتىن ۇلت» جوباسى قاراعاندى، قوستاناي وبلىستارىندا جانە شىمكەنت قالاسىندا جۇزەگە اسىرىلۋدا. قاتىسۋشىلار سانى بويىنشا قاراعاندى وبلىسى كوش باستاپ تۇر – 1 500 ادام. قوستاناي وبلىسىندا 400-دەن استام، ال شىمكەنتتە 500-دەن اسا مەملەكەتتىك قىزمەتشى قاتىسۋدا.

سونىمەن قاتار، قر مەملەكەتتىك قىزمەت ىستەرى اگەنتتىگى مەن «كىتاپ وقيتىن ۇلت – چيتايۋششايا ناتسيا» قوعامدىق قورى اراسىندا جاسالعان مەموراندۋم اياسىندا 2026 جىلى جوبانى بۇكىل ەل اۋماعىنا كەڭەيتۋ جوسپارلانىپ وتىر. باستاما بارلىق ءوڭىردى قامتيدى دەپ كۇتىلۋدە.

بۇگىندە «كىتاپ وقيتىن ۇلت» جوباسىنا 189 مىڭنان استام ادام قاتىسۋدا. ولاردىڭ قاتارىندا مەكتەپ وقۋشىلارى، كوللەدج جانە جوو ستۋدەنتتەرى، پەداگوگتەر، وتباسىلىق ديناستيالار مەن مەملەكەتتىك قىزمەتشىلەر بار.

جوبا «كىتاپ وقيتىن ۇلت – چيتايۋششايا ناتسيا» قوعامدىق قورى مەن قاراعاندى، قوستاناي وبلىستارى جانە شىمكەنت قالاسى اكىمدىكتەرىمەن«Amanat» پارتياسىنىڭ قولداۋىمەن جۇزەگە اسىرىلۋدا. سالتاناتتى ماراپاتتاۋ ءراسىمى ۇلتتىق كىتاپ كۇنى قارساڭىندا وتەدى دەپ جوسپارلانۋدا.

Abai.kz