«اق جول» دەموكراتيالىق پارتياسى «الاشقا تاعزىم» اتاۋىمەن گۇل شوقتارىن قويۋ ءراسىمىن وتكىزدى
بۇگىن «اق جول» دەموكراتيالىق پارتياسى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي ءداستۇرلى «الاشقا تاعزىم» گۇل شوقتارىن قويۋ ءراسىمىن وتكىزدى.
سۋرەت: «اق جول» دەموكراتيالىق پارتياسىنىڭ ءباسپاسوز قىزمەتىنەن الىندى.
ءىس-شاراعا «اق جول» دەموكراتيالىق پارتياسىنىڭ توراعاسى ازات پەرۋاشەۆ، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ولجاس نۇرالدينوۆ، «اق جول» فراكتسياسىنىڭ اپپارات جەتەكشىسى بەرىك دۇيسەمبينوۆ، پارتيا اپپاراتىنىڭ جەتەكشىسى اسىلحان قوجاحمەتوۆ، پارتيانىڭ باقىلاۋ-رەۆيزيالىق كوميسسياسىنىڭ توراعاسى بولات وتەپباەۆ، استانا قالاسى ءماسليحاتىنىڭ دەپۋتاتتارى مەيرامگۇل قابدىعاليەۆا مەن نۇرجان سادىرباەۆ، جەرگىلىكتى ماسليحاتتارداعى پارتيا اتىنان سايلانعان دەپۋتاتتار جانە پارتيا بەلسەندىلەرى قاتىستى.
سۋرەت: «اق جول» دەموكراتيالىق پارتياسىنىڭ ءباسپاسوز قىزمەتىنەن الىندى.
«اق جول» پارتياسىنىڭ وكىلدەرى الدىمەن «اشارشىلىق قۇرباندارى» ەسكەرتكىشىنە بارىپ، حالقىمىزدىڭ باسىنان وتكەن ناۋبەت جىلدارىنىڭ قۇرباندارىنىڭ رۋحىنا تاعزىم ەتتى.
سۋرەت: «اق جول» دەموكراتيالىق پارتياسىنىڭ ءباسپاسوز قىزمەتىنەن الىندى.
ودان كەيىن قاتىسۋشىلار «الجير» ساياسي قۋعىن-سۇرگىن قۇرباندارى مۋزەي-مەموريالدىق كەشەنىنە بارىپ، توتاليتارلىق جۇيەنىڭ جازىقسىز قۇرباندارىنىڭ رۋحىنا قۇرمەت كورسەتىپ، گۇل شوقتارىن قويدى. شارا بارىسىندا ەل تاريحىنداعى زۇلمات جىلداردا قازا تاپقان ازاماتتاردى ەسكە الىپ، ولاردىڭ رۋحىنا قۇران باعىشتالدى.
سۋرەت: «اق جول» دەموكراتيالىق پارتياسىنىڭ ءباسپاسوز قىزمەتىنەن الىندى.
سونداي-اق، «الاشقا تاعزىم» گۇل شوقتارىن قويۋ ءراسىمى سولتۇستىك قازاقستان، جامبىل، شىعىس قازاقستان، اقتوبە جانە تۇركىستان وبلىستارىندا، سونداي-اق شىمكەنت، ورال، قوستاناي، قىزىلوردا جانە قاراعاندى قالالارىندا ۇيىمداستىرىلىپ، پارتيا وكىلدەرى ساياسي قۋعىن-سۇرگىن مەن اشارشىلىق قۇرباندارىنىڭ رۋحىنا تاعزىم ەتتى.
سۋرەت: «اق جول» دەموكراتيالىق پارتياسىنىڭ ءباسپاسوز قىزمەتىنەن الىندى.
«اق جول» دەموكراتيالىق پارتياسى تاريحي جادىمىزدى ساقتاۋ، جازىقسىز قۇربانداردىڭ ەسىمىن ۇلىقتاۋ جانە وتكەننەن تاعىلىم الۋ – بولاشاق ۇرپاق الدىنداعى ماڭىزدى مىندەت ەكەنىن اتاپ وتەدى.
«اق جول» دەموكراتيالىق پارتياسىنىڭ ءباسپاسوز قىزمەتى
Abai.kz
