اقش مەملەكەتتىك حاتشىسى ماركو رۋبيو 2026 جىلى ورتالىق ازيا ەلدەرىنە ساپار شەگەتىنىن مالىمدەدى .

امەريكا سىرتقى ساياسات ۆەدومستۆوسىنىڭ باسشىسى بۇل مالىمدەمەسىن اقش كونگرەسى وكىلدەر پالاتاسىنىڭ سىرتقى ىستەر جونىندەگى كوميتەتىندەگى تىڭداۋدا ايتتى.

«ءبىز بيىل ايماق ەلدەرىمەن س5+1 فورماتىندا كەزدەسۋ وتكىزۋدى جوسپارلاپ وتىرمىز، مەن دە وسى كەزدەسۋگە قاتىسۋ ءۇشىن ورتالىق ازياعا بارامىن»، – دەدى رۋبيو.

سونىمەن قاتار، ول پرەزيدەنت دونالد ترامپ اكىمشىلىگىنىڭ ورتالىق ازيا ەلدەرىمەن ساۋدا قارىم-قاتىناسىنا شەكتەۋ قوياتىن دجەكسون–ۆەنيك تۇزەتۋىن جويۋدى قولدايتىنىن اتاپ ءوتتى.

«بۇل شەشىم بارلىق تاراپقا پايدالى بولار ەدى»، – دەدى رۋبيو.

1974 جىلى ەنگىزىلگەن دجەكسون–ۆەنيك تۇزەتۋى ادام قۇقىعىن بۇزاتىن ەلدەرمەن ساۋدا قارىم-قاتىناسىن شەكتەۋدى كوزدەيدى. قازاقستان اقش-قا بۇل شەكتەۋدى الىپ تاستاۋ تۋرالى بىرنەشە رەت ۇسىنىس جاساعانىمەن، ماسەلە ءالى دە شەشىمىن تاپپاي كەلەدى.

تۇزەتۋ بۇگىنگە دەيىن التى تمد مەملەكەتىنە قاتىستى كۇشىن جويعان: قىرعىزستان، گرۋزيا (ەكەۋى دە 2000 جىلى), ارمەنيا (2004), ۋكراينا (2005), مولدوۆا مەن رەسەي (ەكەۋى دە 2012 جىلى).

C5+1 فورماتى – اقش پەن ورتالىق ازيا ەلدەرى اراسىنداعى ورتاق ماسەلەلەردى شەشۋگە ارنالعان پلاتفورما. بۇل باستاما قازاقستان، قىرعىزستان، تاجىكستان، تۇرىكمەنستان جانە وزبەكستانمەن ەكىجاقتى قارىم-قاتىناستى تولىقتىرىپ، ايماقتىق دەڭگەيدە بىرلەسكەن ارەكەت ەتۋدى كوزدەيدى.

Abai.kz