ەۋروپا كەڭەسى پارلامەنتتىك اسسامبلەياسىندا(پاسە) جالپىحالىقتىق رەفەرەندۋم قورىتىندىسى بويىنشا قازاقستاندا جۇرگىزىلىپ جاتقان ساياسي جانە كونستيتۋتسيالىق رەفورمالارعا قولداۋ بىلدىرىلگەن جازباشا دەكلاراتسيا قابىلداندى.

«قازاقستانداعى كونستيتۋتسيالىق رەفەرەندۋم: رەفورمالاردىڭ جاڭا كەزەڭى» دەپ اتالاتىن قۇجاتتىڭ اۆتورى – پاسە-دەگى تۇركيا دەلەگاتسياسىنىڭ دەپۋتاتى مەحمەت اكالىن. دەكلاراتسياعا ەۋروپا ەلدەرىنىڭ ۇلتتىق دەلەگاتسيالارى مەن ءتۇرلى ساياسي توپتارىنىڭ اتىنان22 پارلامەنتاري قول قويعان.

قۇجاتتا قازاقستاندا وتكەن رەفەرەندۋم مەملەكەتتىك باسقارۋ جۇيەسىن جاڭعىرتۋ مەن ينستيتۋتسيونالدىق وزگەرىستەردىڭ ماڭىزدى كەزەڭى بولعانى اتاپ وتىلگەن.

دەكلاراتسيا اۆتورلارى كونستيتۋتسيالىق رەفورمالاردىڭ ماقساتتارىن قۇپتادى. اتاپايتقاندا, مەملەكەتتىك باسقارۋدىڭ نەعۇرلىم تەڭگەرىمدى ۇلگىسىنە كوشۋ, ەسەپتىلىك تەتىكتەرىن كۇشەيتۋ, ازاماتتاردىڭ كونستيتۋتسيالىق ءادىل سوتقا قولجەتىمدىلىگىن كەڭەيتۋ, سونداي-اق ادام قۇقىقتارى مەن بوستاندىقتارىن قورعاۋ كەپىلدىكتەرىن نىعايتۋ وڭ باعالاندى.

سونىمەن قاتار پاسە قازاقستاننىڭ ەۋروپا كەڭەسىمەن ىنتىماقتاستىعىنا دا وڭ باعا بەردى. دەكلاراتسيادا تاراپتاردىڭ كونستيتۋتسيالىق دامۋ، قۇقىق ۇستەمدىگى جانە ادام قۇقىقتارىن قورعاۋ ماسەلەلەرى بويىنشا سىندارلى ديالوگتى جالعاستىرىپ وتىرعانى ايتىلعان.

سونداي-اق پارلامەنتاريلەر قازاقستاننىڭ دەموكراتيالىق ينستيتۋتتاردى نىعايتۋ جانەقۇقىق ۇستەمدىگى قاعيداتتارىن ورنىقتىرۋ باعىتىنداعى كۇش-جىگەرىن الداعى ۋاقىتتا دا قولداۋعا دايىن ەكەنىن ءبىلدىرىپ, ەلدى ەۋرازيا وڭىرىندەگى سەنىمدى سەرىكتەس دەپ اتادى.

Abai.kz