الماتى وبلىسىندا «قىمىزمۇرىندىق – 2026» مادەني-كوپشىلىك جانە سپورتتىق شاراسى ءوتتى. سالتاناتتى شارادا قر پرەزيدەنتىنىڭ كەڭەسشىسى مالىك وتارباەۆ مەملەكەت باسشىسىنىڭ قۇتتىقتاۋىن جەتكىزدى. ال الماتى وبلىسىنىڭ اكىمى مارات سۇلتانعازيەۆ ءدۇبىرلى دۋماننىڭ ماڭىزىنا توقتالىپ، قوناقتارعا ىزگى تىلەگىن ارنادى. سونداي-اق مەيماندار «قىمىزمۇرىندىق» اياسىندا ۇيىمداستىرىلعان كورمەنى ارالاپ كورىپ، ۇلتتىق ويىننان سىنعا تۇسكەن سپورتشىلاردىڭ ونەرىن تاماشالادى.

مالىك نۇرجانۇلى مەملەكەت باسشىسى قاسىم-جومارت توقاەۆتىڭ ىستىق سالەمىن جەتكىزە وتىرىپ، پرەزيدەنتىمىزدىڭ ۇلتتىق قۇندىلىقتاردى ۇلىقتاپ، اتا ءداستۇرىمىزدى دارىپتەۋگە ارنالعان وسىنداي تاعىلىمدى ءىس-شارالارعا ەرەكشە ءمان بەرەتىنىن ايتتى. سونىمەن قاتار كەگەن اۋدانىندا ءوتىپ جاتقان «قىمىزمۇرىندىق» مەرەكەسى ۇرپاقتار ساباقتاستىعىن نىعايتا تۇسەتىنىنە سەنىم ءبىلدىردى.

ايماق باسشىسى ءوز سوزىندە حالىقتىڭ قولداۋىمەن قولعا الىنعان يگى باستامالاردىڭ عۇمىرى قاشاندا ۇزاق بولاتىنىن تىلگە تيەك ەتتى. سونداي-اق الماتى وبلىسى بۇگىندە تابيعي بايلىعى مەن تاريحي مۇراسىن ۇشتاستىرا وتىرىپ، ءتۋريزمدى دامىتۋدىڭ جاڭا كەزەڭىنە قادام باسقانىن جەتكىزدى. ايماق باسشىسىنىڭ ايتۋىنشا، وتكەن جىلى وڭىرىمىزگە 2,5 ميلليوننان استام تۋريست كەلگەن. بۇل الماتى وبلىسىنىڭ تابيعي əلەۋەتى مەن تاريحي-مəدەني مۇراسىنا دەگەن قىزىعۋشىلىقتىڭ تۇراقتى ارتىپ كەلە جاتقانىن كورسەتەدى.

ايتا كەتەيىك، «قىمىزمۇرىندىق» مەرەكەسى قارقارا جايلاۋىندا بيىل 5-رەت وتكىزىلىپ، قازاقتىڭ كورەگەن ابىزى Əلمەرەك جانشىقۇلىنىڭ 368 جىلدىعىمەن تۇسپا-تۇس كەلدى. وسىعان وراي ابىز بابا رۋحىنا قۇران باعىشتالىپ، اس بەرىلدى. سونداي-اق ۇلتتىق سپورت تۇرلەرىنەن رەسپۋبليكالىق جارىستار ۇيىمداستىرىلىپ، سپورتشىلاردىڭ شىمىرلىعى مەن توزىمدىلىگى سىنعا ءتۇستى.

Abai.kz