قۇرىلتاي دەپۋتاتتارىنىڭ سايلاۋىن وتكىزۋ كەزەڭىندە حالىقارالىق بايقاۋشىلاردىڭ قىزمەتىنە قاجەتتى قۇقىقتىق جانە ۇيىمداستىرۋشىلىق جاعدايلار جاساۋ ماقساتىندا ورتالىق سايلاۋ كوميسسياسى «2026 جىلعى 23 تامىزعا تاعايىندالعان قازاقستان رەسپۋبليكاسى قۇرىلتايىنىڭ دەپۋتاتتارىن سايلاۋدى وتكىزۋ كەزەڭىندەگى شەت مەملەكەتتەردىڭ, حالىقارالىق ۇيىمداردىڭبايقاۋشىلارى, شەتەلدىك بۇقارالىق اقپارات قۇرالدارىنىڭ وكىلدەرى قىزمەتىنىڭ كەيبىر ماسەلەلەرى تۋرالى» قاۋلى قابىلدادى.

قۇجاتتا شەت مەملەكەتتەر مەن حالىقارالىق ۇيىمدارعا شاقىرۋلار جىبەرۋ, حالىقارالىق بايقاۋشىلاردى اككرەديتتەۋ جانە ولارعا بەلگىلەنگەن ۇلگىدەگى كۋالىكتەردى بەرۋ ءتارتىبى ايقىندالعان.

سونداي-اق قاۋلىدا قازاقستان رەسپۋبليكاسى سىرتقى ىستەرمينيسترلىگىنىڭ اككرەديتتەۋىنەن وتكەن جاعدايدا شەتەلدىك بۇقارالىق اقپارات قۇرالدارى وكىلدەرىنىڭ بايقاۋدى جۇزەگە اسىرۋ مۇمكىندىگى كوزدەلگەن.

«وسى قاۋلىنىڭ قابىلدانۋى قازاقستان رەسپۋبليكاسىنىڭ قۇرىلتايى دەپۋتاتتارىنىڭ سايلاۋىنا حالىقارالىق بايقاۋشىلاردىڭ قاتىسۋى ءۇشىن قاجەتتى قۇقىقتىق جاعدايلاردى قامتاماسىز ەتەدى جانە ولاردىڭ قىزمەتىن زاڭناماعا سايكەس جۇزەگە اسىرۋ ءتارتىبىن ايقىندايدى»، - دەپ اتاپ ءوتتى قازاقستان رەسپۋبليكاسى ورتالىق سايلاۋ كوميسسياسى توراعاسىنىڭ ورىنباسارى مۇحتار ەرمان.

قاۋلىنىڭ قابىلدانۋى قازاقستان رەسپۋبليكاسىنىڭ قۇرىلتايى دەپۋتاتتارىنىڭ سايلاۋىندا حالىقارالىق بايقاۋ ينستيتۋتىنىڭ جۇمىسىن باستاۋعا مۇمكىندىك بەرەدى.

Abai.kz