يىلگەن باستى قىلىش كەسپەس بولار...

وتكەندە عانا ابىز اعامىز ءابىش كەكىلبايدىڭ «حارتلەند» پەن ۇلى جىراۋلار وسيەتىن دارىپتەپ جۇرگەن بەكبولات تىلەۋحان ايتقان «قازاقيا» اتىنان...

كەشەگى مەن بۇگىندى، بۇگىنگى مەن ەرتەڭدى ايىرا المايتىن بيلىگىمىز بەن قوعامىمىزدىڭ اتىنان...

تۇمسىعىن كوككە تىرەپ ۇلىعان كوكبورىلى بايراعىن ۇمىتىپ، بويىنان بابالار رۋحىن وشىرگەن ۇرپاقتارىڭ ءۇشىن...

ەسىمحاننىڭ ەسكى جولىن، قاسىم حاننىڭ قاسقا جولىن، ۇلى  زاڭىمىز - جەتى جارعىنى جەر ەتىپ، ابايدان اينىپ، الاش مۇراتىن اياق استى ەتكەن  جەتەسىز ۇرپاقتارىڭ ءۇشىن...

اسان قايعى بابامىز جەل ماياسىمەن جەلىپ ءجۇرىپ تاپقان جەرۇيىقتى، ۇرانداتقان دالاڭدى اتا جاۋىڭنىڭ تابانىنا تاستاپ ۋعا بوكتىرىپ، سەمەي، تايسويعان، ازعىر، ت.ب.  اتتى سىناق الاڭدارىنا اينالعادىرعانىمىز ءۇشىن...

سايىننان ساياق قۇرلى سايا تاپپاي، سارىلا اۋعان سايعاقتارىمىز بەن سارى الا قۇستارىمىز ءۇشىن...

جاڭا ءداۋىر باستالدى ما دەگەن كەزدە ۇرەيدەن ارىلا الماي  ءستاليننىڭ قورقاۋ وكىمەتى  مەن ءوزىمىزدىڭ شولاق بەلسەندىلەر قولدان جاساعان گەنوتسيدتى اشكەرە ەتۋدەن جالتاقتاپ، زالىم ساياساتتىڭ زارپىنان قورقىپ وتىرعان بۇگىنگى ساياسات ءۇشىن...

قازاقتىڭ باسىنان وتكەن زۇلمات پەن قيلى زامانداردى ۇمىتقانىمىز ءۇشىن...

سىزدەر قالدىرىپ كەتكەن ۇلان عايىر دالانىڭ بايلىعىن شاشىپ بارىن بازارلى ەتە الماي وتىرعان بەيشارا ءحالىمىز ءۇشىن...

يىلگەن باستى قىلىش كەسپەس بولار...

وتكەندە عانا ابىز اعامىز ءابىش كەكىلبايدىڭ «حارتلەند» پەن ۇلى جىراۋلار وسيەتىن دارىپتەپ جۇرگەن بەكبولات تىلەۋحان ايتقان «قازاقيا» اتىنان...

كەشەگى مەن بۇگىندى، بۇگىنگى مەن ەرتەڭدى ايىرا المايتىن بيلىگىمىز بەن قوعامىمىزدىڭ اتىنان...

تۇمسىعىن كوككە تىرەپ ۇلىعان كوكبورىلى بايراعىن ۇمىتىپ، بويىنان بابالار رۋحىن وشىرگەن ۇرپاقتارىڭ ءۇشىن...

ەسىمحاننىڭ ەسكى جولىن، قاسىم حاننىڭ قاسقا جولىن، ۇلى  زاڭىمىز - جەتى جارعىنى جەر ەتىپ، ابايدان اينىپ، الاش مۇراتىن اياق استى ەتكەن  جەتەسىز ۇرپاقتارىڭ ءۇشىن...

اسان قايعى بابامىز جەل ماياسىمەن جەلىپ ءجۇرىپ تاپقان جەرۇيىقتى، ۇرانداتقان دالاڭدى اتا جاۋىڭنىڭ تابانىنا تاستاپ ۋعا بوكتىرىپ، سەمەي، تايسويعان، ازعىر، ت.ب.  اتتى سىناق الاڭدارىنا اينالعادىرعانىمىز ءۇشىن...

سايىننان ساياق قۇرلى سايا تاپپاي، سارىلا اۋعان سايعاقتارىمىز بەن سارى الا قۇستارىمىز ءۇشىن...

جاڭا ءداۋىر باستالدى ما دەگەن كەزدە ۇرەيدەن ارىلا الماي  ءستاليننىڭ قورقاۋ وكىمەتى  مەن ءوزىمىزدىڭ شولاق بەلسەندىلەر قولدان جاساعان گەنوتسيدتى اشكەرە ەتۋدەن جالتاقتاپ، زالىم ساياساتتىڭ زارپىنان قورقىپ وتىرعان بۇگىنگى ساياسات ءۇشىن...

قازاقتىڭ باسىنان وتكەن زۇلمات پەن قيلى زامانداردى ۇمىتقانىمىز ءۇشىن...

سىزدەر قالدىرىپ كەتكەن ۇلان عايىر دالانىڭ بايلىعىن شاشىپ بارىن بازارلى ەتە الماي وتىرعان بەيشارا ءحالىمىز ءۇشىن...

نامىس پەن رۋحتىڭ كۇيزەلىسىن رۋدىڭ كۇيزەلىسىنە تىرەپ، بابالار مۇراسى ءتىلىمىز بەن ءدىلىمىزدى  ماڭگۇرتيزمنىڭ الدىندا ءماجبۇري كۇيگە كەلتىرگەنىمىز ءۇشىن...

سىزدەر تۋ جايقالتقان جاسىل ولكەنى جاۋعا بەرمەيمىن دەپ اتقا قونعان حان كەنەنىڭ جوعالعان باسىن تابا الماي، ەرلىك پەن ەلدىكتى، ەرىك پەن جىگەردى، ار مەن ۇجداندى داعدارىستى جاعدايعا تۇسىرگەنىمىز ءۇشىن...

«ءبىز قازاقپىز!» دەگەن ارۋاقتى ۇران كوتەرىپ، جاھانعا جاريا ەتكەن جەرىڭدى قارىنىن مايلاپ تويىنعان الدەكىمدەردىڭ ويىنشىعى ەتىپ، قۇلدىق ۇرىپ «قازاقستاندىق» اتانىپ، سورماڭداي ۇلتقا اينالعان ۇرپاعىڭدى ۇلتاراق قۇرلى كورمەگەن بۇگىنگى دۇمبىلەز بيلىك ءۇشىن...

وزدەرىڭ بولىنگەن كوشپەلى وزبەكتەي ءوسىپ ءونىپ، جاپىراق جايا الماي وتىرعان جالاڭ بۇت كۇيىمز بەن سىزدەردىڭ نەمەنە شوپشەكتەرىڭىزدىڭ ۇلى دالاعا جولاتپاعان قارا قىتايدى ەمىن ەركىن قاپتاتقانىمىز ءۇشىن...

اشىق اسپان استىندا اداسىپ كەلگەندەي اتاجۇرتىنا ورالعان قانداستارىمىز بەن باسپاناسىز شىرىلداپ دالادا  قالعان ۇرپاعىڭدى ۇمىتقان بيلىك پەن بايلىق ءۇشىن...

سىزدەردىڭ ءاز ارۋاقتارىڭىزدى كۇڭىرەنتىپ توپالاڭ توي جاساپ، ارتىنان ۇمىتىپ كەتىپ، كۇل قوقىسقا اۋناتقان بورپىلداق سانامىز بەن قۇلدىق  بولمىسىمىز  ءۇشىن...

كەشىرىم سۇرايمىز!!!

«اباي.كز» پورتالى

قۇرمەتتى اعايىن!

وزدەرىڭىز باستاعان اشىق حاتقا قول جيناۋ ءالى دە جالعاسىپ جاتىر. ونى جاڭادان قوستايمىز دەگەندەر مىنا سىلتەمەگە باسىپ http://old.abai.kz/content/ashyk-khat ، قولىن قويا الادى...

وتكەن اپتادان باستاپ ەلەكتروندى ۇكىمەت سايتىندا www.line.gov.kz ادرەسى بويىنشا ەلباسىمەن تىكەلەي ەفير جەلىسى اشىلدى. Abai.kz اقپاراتتىق پورتالى اشىق حاتتىڭ ءماتىنىن سول جەرگە بىرىنشىلەردىڭ ءبىرى بولىپ تۇر. تىكەلەي ەفير جەلىسىنىڭ ەرەجەسى بويىنشا ەڭ كوپ قارالعان، وقىلعان حاتتار مەن وتىنىشتەرگە ەلباسىنىڭ ءوزى 13 قاراشا كۇنى رەسپۋبليكالىق تەلەارنالاردىڭ تىكەلەي ەفيرىندە جاۋاپ بەرەدى ەكەن. سونداعى ءبىزدىڭ سۇراقتاردى قولداپ، داۋىس قوسىڭىزدار. نەمەسە تىكەلەي ەفيردىڭ سall-ورتالىعىنا استاناداعى 555-777 تەلەفونىنا تەلەفون شالىپ، سول جەردەگى ازاماتتارعا ءوز ساۋالدارىڭىزدى قويساڭىزدار. سونىمەن قاتار جازباشا سۇراقتاردى vopros@akorda.kz دەگەن ەلەكتروندى پوشتاعا دا سالۋعا بولاتىنىن ەسكەرتەمىز. تىكەلەي ەفيردىڭ سall-ورتالىعى ءوز جۇمىسىن 30 قازاننان 13 قاراشاعا دەيىن  جالعاستىرادى. ورتالىق تاڭعى ساعات 08.00 دەن كەشكى 23.00 دەيىن سۇراقتاردى قابىلدايدى.

تاعى دا اۋىزبىرشىلىك پەن تاباندىلىق تانىتايىق، اعايىن!