رەفەرەندۋمدا حالىق جاڭا كونستيتۋتسيانى قابىلداعاندا مەملەكەتتىك باسقارۋدىڭ مۇلدەم جاڭا ۇلگىسى قالىپتاستى...

بۇل وسىعان دەيىن جۇرگىزىلگەن ساياسي رەفورمالاردىڭ قيسىندى جالعاسى بولاتىن.

بۇل جەردە بيلىكتىڭ ۇستانىمى انىق. رەفورمالار توقتامايدى. ال مەملەكەت ينستيتۋتتارىنىڭ تۇراقتىلىعى نەگىزگى باسىمدىق بولىپ قالا بەرەدى. وسى ورايدا ەسكەرە كەتەتىن ماسەلە بار. بۇل – كەي لاۋازىمداردىڭ وكىلەتتىك مەرزىمىنە قاتىستى. بۇعان قاتىستى كۋلۋارلاردا ءتۇرلى اڭگىمە ايتىلىپ جۇرگەنى بەلگىلى.

سوندىقتان دا پرەزيدەنتتىڭ كونستيتۋتسيالىق سوتقا سۇراۋ سالۋى ىشكى جانە سىرتقى كۇشتەرگە بەرىلگەن بەلگى رەتىندە قابىلداۋعا بولادى. ياعني، ەلىمىزدىڭ ستراتەگيالىق باعىتىنا مۇددەلى توپتار ىقپال ەتە المايدى. ەڭ اۋەلى، كونستيتۋتسيا ەسكەرىلەدى. وسىلايشا، ۇلتتىق مۇددە تۇرعىسىنان انىقتالادى. مەنىڭشە، بۇل اقوردانىڭ تاماشا قادامى بولدى.

راسىندا، پرەزيدەنتتىڭ وكىلەتتىك مەرزىمىن ەسكى كونستيتۋتسيانىڭ پريزماسىمەن قاراۋ قيسىنعا كەلمەيدى. ويتكەنى قازاقستان قۇقىقتىق جۇيەنى تۇبەگەيلى جاڭارتتى.

ونىڭ ۇستىنە، پرەزيدەنتتىڭ سۇراۋ سالۋى ءتۇرلى قاۋەسەتكە توقتاۋ بولاتىنى انىق. قۇقىقتىق تۇرعىداعى بۇكىل ماسەلەگە نۇكتە قويىلدى. ارينە، بۇل پرەزيدەنتتىڭ اۆتوماتتى تۇردە سايلاناتىنىن بىلدىرمەيدى. كىمنىڭ ەل تىزگىنىن ۇستايتىنىن حالىق تاڭدايدى.

ايبار ولجاەۆ

Abai.kz