بايعانين اۋدانىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى.

ءوڭىر اكىمدىگىنىڭ ءباسپاسوز قىزمەتىنىڭ مالىمەتىنشە، اۋدان ورتالىعىندا قاتتى ەكپىندى جەلدەن بايلانىس مۇناراسى جەكە ورنالاسقان بىرقاباتتى دۇكەننىڭ شاتىرىنا قۇلاپ، ءۇش ادام زارداپ شەككەن. ولاردىڭ بارلىعىنا اۋداندىق اۋرۋحانادا قاجەتتى مەديتسينالىق كومەك كورسەتىلگەن.

ايماق باسشىسى اسحات شاحاروۆتىڭ تاپسىرماسىمەن وبلىس اكىمىنىڭ ورىنباسارى عالىمجان ەلەۋوۆ بايعانين اۋدانىنا باردى. ول جەلدەن بۇلىنگەن دۇكەن اۋماعىن باعامداپ، ەلەكتر جەلىلەرىن قالپىنا كەلتىرۋ جۇمىستارىنىڭ بارىسىمەن تانىستى. اۆاريالىق بريگادا ۇزدىكسىز جۇمىس ىستەپ جاتىر، - دەلىنگەن حابارلامادا.

بۇدان كەيىن عالىمجان ەلەۋوۆتىڭ توراعالىعىمەن توتەنشە جاعدايلار جونىندەگى كوميسسيا وتىرىسى وتكەن. جيىندا قالىپتاسقان جاعداي جان-جاقتى تالقىلانىپ، زاقىم كەلگەن نىسانداردىڭ ءتىزىمىن جاساقتاۋ، كەلتىرىلگەن شىعىندى باعالاۋ، تۇرعىنداردىڭ قاۋىپسىزدىگىن قامتاماسىز ەتۋ جانە جاۋاپتى مەكەمەلەردىڭ ءىس-قيمىلىن ۇيلەستىرۋ ماسەلەلەرى قارالعان. بۇگىندە بارلىق قىزمەت كۇشەيتىلگەن جۇمىس تارتىبىنە كوشكەن.

جاعداي وبلىس اكىمىنىڭ جەكە باقىلاۋىندا. ونىڭ تاپسىرماسىمەن كوميسسيا قۇرىلىپ، شۇعىل تۇردە اۋىلعا جەتتىك. ەڭ باستىسى – ادامدار ءدىن امان. زارداپ شەككەن تۇرعىندارعا زاڭعا سايكەس، قاجەتتى قولداۋ كورسەتىلەدى، ەشبىرى كومەكسىز قالمايدى. ءبىز تابيعي اپاتتىڭ سالدارىن جويۋ جۇمىستارىنا تەز ارادا كىرىسۋىمىز كەرەك، - دەدى وبلىس اكىمىنىڭ ورىنباسارى.

Abai.kz