ۋكراينا پرەزيدەنتى ۆلاديمير زەلەنكسكي جوعارى راداعا پرەمەر-ءمينيستردى ءوزى ۇسىندى.

ونىڭ شەشىمىمەن، مينيسترلەر كابينەتىن سەرگەي كورەتسكي باسقارۋى ءتيىس. بۇل تۋرالى ۋكراينالىق پارلامەنت سپيكەرى رۋسلان ستەفانچۋك مالىمدەدى.

زەلەنسكي مۇنداي اۋىس-ءتۇيىستى مەملەكەتتىك ستراتەگيانىڭ وزگەرۋىمەن بايلانىستىردى. پرەمەر-مينيستر لاۋازىمىنا 4 ادام ۇمىتكەر رەتىندە ۇسىنىلدى. ولار: ۋكراينا ەنەرگەتيكا ءمينيسترى دەنيس شمىگال، قورعانىس ءمينيسترى ميحايل فەدوروۆ، حاركوۆ قالاسىنىڭ مەرى يگور تەرەحوۆ جانە سەرگەي كورەتسكي بار. سوڭعى كانديدات بۇعان دەيىن "نافتوگاز" باسقارما توراعاسى بولدى.

زەلەنسكيدىڭ مالىمدەۋىنشە، كەڭەسۋلەردەن كەيىن پرەمەر-مينيستر لاۋازىمىنا ەڭ لايىقتىسى سەرگەي كورەتسكي دەپ شەشكەن.

جوعارعى رادا جاڭا ۇكىمەت باسشىسىن بەكىتۋگە جانە مينيسترلەر كابينەتىنىڭ جاڭا قۇرامىنا 16 شىلدەدە داۋىس بەرەدى. ءىس جۇزىندە ۇكىمەتتىڭ تولىق قۇرامى بەلگىلى. ەڭ ماڭىزدى وزگەرىس – قورعانىس ءمينيسترى ميحايل فەدوروۆتىڭ قىزمەتىنەن شەتتەتىلۋى.

ايتا كەتەيىك، 14 شىلدەدە ۋكراينا جوعارعى راداسى پرەمەر-مينيستر يۋليا سۆيريدەنكونىڭ وتستاۆكاسىن قولداپ، مينيسترلەر كابينەتىن تاراتتى.

Abai.kz