«سەمەي ورمانى» مەملەكەتتىك ورمان تابيعي رەزەرۆاتىنداعى ورمان ءورتىن ءسوندىرۋ جۇمىستارى تاۋلىك بويى ۇزدىكسىز جالعاسىپ جاتىر.

ۆەدومستۆونىڭ مالىمەتىنشە، بۇگىن ساعات 08:00-دەگى جاعداي بويىنشا ءورتتى سوندىرۋگە 769 ادام، 191 بىرلىك جەرۇستى تەحنيكاسى جانە 8 تىكۇشاق جۇمىلدىرىلدى.

ەكولوگيا جانە تابيعي رەسۋرستار ءمينيسترى ە.نىسانباەۆ پەن اباي وبلىسىنىڭ اكىمى ب.ءۋالي ءورت اۋماعىن اۋەدەن باقىلاۋ ماقساتىندا تىكۇشاقپەن ۇشىپ ءوتتى.

«جاعدايدى ۇزدىكسىز باقىلاۋ جانە جەكەلەگەن ءتۇتىن وشاقتارىن باسۋ جۇرگىزىلدى. تۇندە ءورت ءسوندىرۋ جۇمىستارى بۇكىل پەريمەتر بويىنشا جۇرگىزىلدى، ءورتتىڭ ودان ءارى تارالۋىن بولدىرماۋ ءۇشىن ونىڭ شەتىن كۇزەتىپ، ءسوندىردى. كۇن شىققان كەزدە، جەتۋ قيىن جەرلەردى ءسوندىرۋ ءۇشىن دەرەۋ ءورتتىڭ ىشكى جاعىنا جاياۋ دەسانت جىبەرىلدى. سونىمەن قاتار، ىشكى ورتكە سۋ تامىزىپ، كەڭ كولەمدى اۋە قولداۋى كورسەتىلدى. ءورت وشاعىندا اشىق جانۋ بايقالمايدى، جەكەلەگەن تۇتىندەۋ وشاقتارىن ءسوندىرۋ جۇمىستارى جۇرگىزىلۋدە. ءورتتى ءسوندىرۋ باستالعاننان بەرى اۋە تەحنيكاسى ارقىلى 243 رەت سۋ توگىلىپ، 546 توننا سۋ جەتكىزىلدى»، – دەلىنگەن حابارلامادا.

Abai.kz