«ءادىل ءسوز» ءسوز بوستاندىعىن قورعاۋ حالىقارالىق قورىن جاڭا پرەزيدەنت باسقاردى، دەپ حابارلايدى قازتاگ.

«جاڭا پرەزيدەنت بولىپ بەلگىلى قازاقستاندىق جۋرناليست ءارى مەدياساراپشى نازيرا دارىمبەت سايلاندى. نازيرا دارىمبەتتىڭ تاۋەلسىز جۋرناليستيكادا مول تاجىريبەسى بار، سونداي-اق مەديانى دامىتۋ مەن ءسوز بوستاندىعىن قورعاۋ سالاسىنداعى حالىقارالىق جوبالاردى جۇزەگە اسىرۋدا ەلەۋلى تاجىريبەگە يە»، – دەپ حابارلايدى «ءادىل ءسوز» ءوزىنىڭ Telegram-ارناسىندا.

قوردىڭ جاڭا پرەزيدەنتى نازيرا دارىمبەت بۇگىندە قازاقستانداعى جۋرناليستەر تەك سوت جانە اكىمشىلىك قىسىممەن عانا ەمەس، سونىمەن بىرگە جاڭا تسيفرلىق قاۋىپ-قاتەرلەرمەن دە بەتپە-بەت كەلىپ وتىرعانىن مالىمدەدى.

«بۇل سىنىپ-قاتەرلەرگە جاۋاپ رەتىندە جۋرناليستەردى قورعاۋدىڭ زاماناۋي مەحانيزمدەرى، كاسىبي قوعامداستىقتىڭ بىرىگۋى جانە حالىقارالىق ىنتىماقتاستىقتى دامىتۋ بولۋى ءتيىس. قوردىڭ نەگىزىن قالاۋشى ءارى العاشقى جەتەكشىسى تامارا كالەەۆا قالاعان ستاندارتتار مەن نەگىزدەرگە سۇيەنە وتىرىپ، وسى جىلدار ىشىندە قور قۇرعان بارلىق جاقسى دۇنيەلەردى ساقتاپ قالۋ جانە سونىمەن بىرگە ونىڭ جۇمىسىن زاماناۋي تالاپتارعا ساي جاڭا دەڭگەيگە شىعارۋ قاجەت»، – دەدى قوردىڭ جاڭا پرەزيدەنتى نازيرا دارىمبەت.

«ءادىل ءسوز» حالىقارالىق قورى 1999 جىلى قۇرىلعان.

بۇعان دەيىن شىلدە ايىندا «ءادىل ءسوز» ءسوز بوستاندىعىن قورعاۋ حالىقارالىق قورىنىڭ بۇرىنعى پرەزيدەنتى قارلا جامانقۇلوۆا ءوز وكىلەتتىگىن تاپسىرعانىن حابارلاعان بولاتىن.

Abai.kz