بۇۇ باس اسسامبلەياسىنىڭ ادام قۇقىقتارى جونىندەگى جوعارعى كوميسسارى فولكەر تيۋركتى قايتا سايلاۋ تۋرالى داۋىس بەرۋ  كەزىندە اقش پەن فرانتسيا اراسىندا ديپلوماتيالىق قاقتىعىس تۋىندادى. فرانتسيانىڭ اقش-تى سولتۇستىك كورەيا جانە رەسەي سياقتى اۆتوريتارلىق مەملەكەتتەرمەن قاتار قويۋى بۇۇ قاۋىپسىزدىك كەڭەسىندەگى اقش وكىلدەرىنىڭ وتىرىستان توپتىق شىعىپ كەتۋىنە اكەلىپ سوقتى، ولار وداقتاسى فرانتسيانىڭ ارەكەتىن «ەكىجۇزدىلىك» دەپ ايىپتادى.

اقش ەلشىسىنىڭ ورىنباسارى دەن نەگرەا: «فرانتسيا قاۋىپسىزدىك كەڭەسىنىڭ مۇشەسى بولا تۇرا بۇگىن تالقىلاپ جاتقان سوعىس (ۋكراينا) تۇيتكىلى بولسىن نەمەسە بەيبىتشىلىك پەن قاۋىپسىزدىككە قاتىسى جوق ادام قۇقىقتارى ماسەلەلەرى بولسىن، ءاربىر ماسەلە بويىنشا بارلىعىنا نۇسقاۋ بەرۋگە تىرىسىپ، نارازىلىق تانىتادى. سوندىقتان فرانتسيا سويلەگەن كەزدە ءبىز وتىرىستان شىعىپ كەتتىك»، - دەدى. اقش وكىلىنىڭ قاۋىپسىزدىك كەڭەسىنەن زالىنان شىعىپ كەتۋى وتە سيرەك كەزدەسەدى.

جۇما كۇنى داۋىس بەرى كەزىندە اقش سولتۇستىك كورەيا، رەسەي، نيكاراگۋا جانە ماليمەن بىرگە، بۇۇ باس اسسامبلەياسىنداعى ادام قۇقىقتارى جونىندەگى جوعارعى كوميسسار فولكەر تيۋركتىڭ ءتورت جىلدىق مەرزىمىن ۇزارتۋعا قارسى داۋىس بەرگەن ون ەلدىڭ ءبىرى بولدى.

فرانتسيانىڭ جەنەۆاداعى بۇۇ-داعى تۇراقتى وكىلدەرى X ۆەب-سايتىندا اعىلشىن تىلىندە: «امەريكا قۇراما شتاتتارى ءبىر كەزدەرى ادام قۇقىقتارىنىڭ ۇلگىسى بولعان. بۇگىندە جاعداي مۇلدەم باسقاشا. ولار سولتۇستىك كورەيا، نيكاراگۋا، مالي جانە رەسەي سياقتى وقشاۋلانعان ەلگە اينالدى. الەم ەندى ولاردىڭ داۋىسىن تىڭدامايدى»، - دەپ جازدى.

جەنەۆاداعى  اقش-تىڭ تۇراقتى وكىلى دەن نەگرەا: «بوستاندىعىنا قاۋىپ تونگەن ءاربىر قاقتىعىستا ءبىز ارىپتەس مەملەكەت جاعىندا بولدىق. بۇگىن مەن ولارعا امەريكا قۇراما شتاتتارىنىڭ الەمدەگى بوستاندىقتىڭ ۇلگىسى بولىپ قالا بەرەتىنىن ەسكەرتكىم كەلەدى»، - دەدى.

ول تاعى دا: «ولار وزگەنى مەنسىنبەيتىن، وزگەنىڭ پىكىرىنە قۇرمەت ەتپەيتىن مايدانىن وزگەرتپەسە، ءبىز ولارعا ەندىگارى ساياسي استارى بار مالىمدەمەلەر جاساۋعا  جول بەرمەيمىز» - دەپ قوستى.

فرانتسيا ەلشىسى جەروم بوننافونت وعان جاۋاپ رەتىندە: «بيىل ءبىز امەريكا قۇراما شتاتتارىنىڭ قۇرىلعانىنىڭ 250 جىلدىعىن اتاپ وتەمىز. فرانتسيانىڭ بۇعان ايتارلىقتاي ۇلەس قوسقانى بەلگىلى»، - دەدى.

ول سونداي-اق فرانتسيانىڭ بۇۇ قاۋىپسىزدىك كەڭەسى مەن باس اسسامبلەياسىندا «بۇۇ-نىڭ تاۋەلسىز ۇيىم رەتىندەگى دەربەستىگىن دارىپتەپ، بۇۇ جارعىسىنا، ادام قۇقىقتارى مەن بەيبىتشىلىككە قىزمەت ەتۋدى جاسلعاستىرا بەرەتىنىن مالىمدەدى.

Abai.kz