اباي كۇنى قارساڭىندا الماتى قالاسىندا اشىق اسپان استىنداعى ساحنادا مىڭداعان كورەرمەندەر قازاقستان رەسپۋبليكاسى مادەنيەت جانە اقپارات مينيسترلىگىنىڭ «ۇلتتىق كينونى قولداۋ مەملەكەتتىك ورتالىعى» قولداۋىمەن تۇسىرىلگەن ابايدىڭ تۇڭعىش شىعارمالار جيناعىنىڭ جارىق كورۋ تاريحىن بايانداعان «العاشقى كىتاپ» اتتى دەرەكتى ءفيلمدى تاماشالادى.

سۋرەت: الماتى قالاسى اكىمدىگىنەن.

دوكۋدراما جانرىنداعى بۇل دەرەكتى فيلم قازاقتىڭ نەشە عاسىرلىق رۋحاني تاريحىنداعى تاڭ قالارلىق ۇلى وقيعا - 1909 جىلى پەتەربور قالاسىندا يلياس بوراگانسكي باسپاسىنان جارىق كورگەن ابايدىڭ تۇڭعىش كىتابىنىڭ قيلى تاعدىرىن بەينەلەگەن.

فيلم جالعىز ءوزى تۇتاس ءبىر الەم جاساپ، شىعارماشىلىقپەن اينالىسقان نەبارى جيىرما جىلدىڭ ىشىندە قازاقتىڭ ءتىلىن دە، كوركەمدىك، ەتيكالىق تانىمىن دا كۇرت وزگەرتىپ، بۇرىن-سوڭدى تۇرىك جۇرتى جەتپەگەن بيىككە كوتەرگەن ابايدىڭ العاشقى كىتابى قالاي باسىلىپ شىقتى، اباي كوزى تىرىسىندە ءوزىنىڭ شىعارمالارىن جيناقتاپ، كىتاپ قىلىپ شىعارۋعا ارەكەت ەتپەدى مە، جالپى، كىتاپتى كىم دايىندادى، قالاي باسپا بەتىن كوردى، نەگە سەمەيدە ەمەس، قيانداعى پەتەربوردا باسىلدى، نەگە كىتاپتى شىعارۋ ىسىندە كوپتەگەن كەدەرگىلەر پايدا بولدى، ت.ت.س.س. ساۋالدارعا جاۋاپ ىزدەگەن ەكەن.  

پرەمەرا سوڭى الماتى قالاسى اكىمدىگىنىڭ مادەنيەت باسقارماسى ۇيىمداستىرعان اباي مۇراسىن ناسيحاتتاعان كونتسەرتتىك باعدارلاماعا ۇلاستى.

سۋرەت: الماتى قالاسى اكىمدىگەن.

تالعات كۇزەمباەۆ، ليديا كادەنوۆا، ەرلان ءبىلال، دارحان سۇلەيمەنوۆ، اسان ءماجيت، دينارا كەمەلحان، ەردەن جاقسىبەك، «الاشۇلى» توبى مەن حور كاپەللاسىنىڭ قاتىسۋىمەن مۋزىكالىق-پوەتيكالىق قويىلىم بولدى.

كەش ارى قاراي اباي كۇنىنە ارنالعان، ۇلى اقىن-اعارتۋشىنىڭ اندەرى شىرقالىپ، سوزدەرى وقىلعان «Almaty summer fest» فەستيۆالىنە جالعاستى. فەستيۆالدە ماقپال ءجۇنىسوۆا، جانار دۇعالوۆا، اسحات تارعىن، نۇرلان بەردىباەۆ، سەرىك يساحان، Ayarai, Birzhan Demeuuly, Nurtore, Magsoul, «Kesh you»، «6ellucci»، «IL Canto»، ت.ب. ونەر كورسەتتى.

سۋرەت: الماتى قالاسى اكىمدىگىنەن.

مەرەكەلىك كەش سوڭىندا مىڭداعان استام ادام اشىق اسپان استىندا اباي اندەرىن بىرگە شىرقادى.

Abai.kz