قازاقستاننىڭ باتىسىنداعى ءموز-دە رەسەيلىك مۇناي وڭدەلەتىن بولادى.

ەنەرگەتيكا ءمينيسترى ەرلان اقكەنجەنوۆ رەسەي فەدەراتسياسى بقو-داعى «كوندەنسات» شاعىن مۇناي وڭدەۋ زاۋىتىن پايدالانۋدى ۇسىنعانىن ايتتى.

«قاتەلەسپەسەم، بۇل زاۋىتتىڭ 50%-ى رەسەيلىك كومپانياعا تيەسىلى. ءبىز رف ەنەرگەتيكا مينيسترلىگىنەن وسى ءموز-ءدى رەسەيلىك مۇنايمەن جۇكتەۋگە قاتىستى رەسمي حات الدىق. مەن بۇدان ەشقانداي كەدەرگى كورىپ تۇرعان جوقپىن. ويتكەنى وندىرىلەتىن بەنزين مەن ديزەل وتىنىنىڭ 30%-ى قازاقستاندا قالادى، قالعانى رف-عا كەتەدى. ءبىز وسىنداي ۋاعدالاستىققا كەلدىك»، — دەپ ءتۇسىندىردى ول.

سونىمەن قاتار مينيسترگە «رەسەي مۇنايىن وڭدەۋ قازاقستانعا قارسى سانكتسيالار ەنگىزۋ قاۋپىن تۋدىرماي ما؟» دەگەن سۇراق قويىلدى.

«كاسىپورىن يەسى ەشقانداي سانكتسيالىق تىزىمگە ەنگىزىلمەگەن»، — دەپ جاۋاپ بەردى ە. اقكەنجەنوۆ.

ول «كوندەنسات» زاۋىتى قاراشىعاناق كەن ورنى ايماعىندا ورنالاسقانىن ەسكە سالدى.

بۇعان دەيىن قازاقستاننىڭ رەسەيدەن كوبىرەك گاز بەن ەلەكتر ەنەرگياسىن ساتىپ الا باستاعانى حابارلانعان بولاتىن.

ەنەرگەتيكا مينيسترلىگى قازاقستاننىڭ كورشى ەلدەرگە جاار (جاعار-جانارماي ماتەريالدارىن) جەتكىزەتىن-جەتكىزبەيتىنى تۋرالى دا ايتىپ بەردى.

Abai.kz