بيىل 380 مىڭ بالا ءبىرىنشى سىنىپقا باردى
قازاقستاندا جاڭا وقۋ جىلى باستالدى: 380 مىڭنان استام بالا العاش رەت مەكتەپ تابالدىرىعىن اتتادى...
1 قىركۇيەك — Bilim كۇنىندە قازاقستان بويىنشا 380 مىڭنان استام ءبۇلدىرشىن ءبىرىنشى سىنىپقا بارىپ، العاشقى قوڭىراۋ سىڭعىرىن ەستىدى.
وقۋ-اعارتۋ مينيسترلىگىنىڭ مالىمەتىنشە، جاڭا وقۋ جىلىندا ەلىمىزدەگى 8 مىڭعا جۋىق مەكتەپتە 4 ميلليوننان استام وقۋشى ءبىلىم الادى. ولاردىڭ ىشىندە 227 مىڭ وقۋشى مەكتەپ ءبىتىرۋشى 11-سىنىپتا وقيدى.
ءبىرىنشى سىنىپقا قابىلدانعان وقۋشىلاردىڭ ءبىلىم الۋ ءتىلى بويىنشا كورسەتكىشى تومەندەگىدەي:
| وقىتۋ ءتىلى | وقۋشىلار ۇلەسى (%) |
| قازاق تىلىندە | 71,1% |
| ورىس تىلىندە | 26,6% |
| باسقا تىلدەردە | 2,3% |
ەلدەگى ينفراقۇرىلىمدى دامىتۋ جۇمىستارى دا قارقىندى جۇرگىزىلۋدە. رەسمي دەرەكتەرگە سۇيەنسەك، بيىلعى جىلدىڭ قاڭتار–شىلدە ايلارى ارالىعىندا:
-
32 جاڭا مەكتەپ پايدالانۋعا بەرىلدى (18 090 وقۋشىعا ارنالعان);
-
32 مەكتەپكە دەيىنگى ۇيىم اشىلدى (4 207 تاربيەلەنۋشىگە ارنالعان).
ايتا كەتەرلىگى، جاڭادان سالىنعان 14 مەكتەپ پەن 26 بالاباقشا اۋىلدىق جەرلەردە ورنالاسقان، بۇل وڭىرلەردەگى ءبىلىم بەرۋ ساپاسى مەن قولجەتىمدىلىگىن ارتتىرۋعا سەپتىگىن تيگىزەدى.
Abai.kz
