قازاقستاندا العاشقى اەس قۇرىلىسى بويىنشا كەلىسىمشارتقا قول قويىلدى.

قازاقستاندا العاشقى اتوم ەلەكتر ستانتسياسىن (اەس) سالۋ باعىتىندا ماڭىزدى قادام جاسالدى. تاراپتار جوبانى جۇزەگە اسىرۋعا نەگىز بولاتىن رەسمي قۇجاتقا قول قويدى. كەلىسىمشارتتى «قازاقستاندىق اتوم ەلەكتر ستانتسيالارى» جشس مەن «روساتوم» مەملەكەتتىك كورپوراتسياسىنىڭ قۇرامىنا كىرەتىن «اتومسترويەكسپورت» اق جاساستى.

ۋاعدالاستىققا سايكەس، كەلىسىمشارت ستانتسيانى جوبالاۋ، قاجەتتى جوعارى تەحنولوگيالىق جابدىقتاردى جەتكىزۋ جانە قۇرىلىس-مونتاجداۋ جۇمىستارىن تولىق قامتيدى. دەگەنمەن، دايىندىق پروتسەسى بىرنەشە كەزەڭنەن تۇرادى، سوندىقتان نىساننىڭ قۇرىلىسى بىردەن باستالمايدى. قازىرگى ۋاقىتتا تاراپتار قازاقستان رەسپۋبليكاسى ۇكىمەتىمەن ءتيىستى كەلىسۋ مەن بەكىتۋ راسىمدەرىن جۇرگىزۋى ءتيىس.

ەلىمىزدەگى تۇڭعىش اەس الماتى وبلىسىنىڭ ۇلكەن اۋىلى ماڭىندا بوي كوتەرەدى. جوسپارعا سايكەس، بارلىق دايىندىق جانە كەلىسۋ جۇمىستارى اياقتالعان سوڭ، ستانتسيانىڭ بەلسەندى قۇرىلىس كەزەڭى 2027 جىلى باستالادى.

Abai.kz