كۋبا پرەزيدەنتى ميگەل دياس-كانەل بۇل ەلدىڭ ەشقاشان ەشبىر يمپەريانىڭ وتارىنا اينالمايتىنىن مالىمدەدى. 

ول اقش پرەزيدەنتى دونالد ترامپتىڭ كۋبا اۋماعى امەريكا تۋىنىڭ تۇسىنە بويالعان كارتانى جاريالاۋىنا وسىلاي جاۋاپ قايتاردى. دياس-كانەل كۋبالىقتاردىڭ تاۋەلسىزدىك پەن ەگەمەندىك ءۇشىن وتە جوعارى باعا تولەگەنىن اتاپ ءوتتى.

ءوز كەزەگىندە كۋبا سىرتقى ىستەر ءمينيسترى برۋنو رودريگەس ترامپتىڭ كارتاسىن سىناي وتىرىپ، ۆاشينگتوننىڭ مۇنداي ارەكەتتەرى جاقىندا امەريكاندىقتاردىڭ ەلدەردىڭ، قۇرلىقتاردىڭ، ءتىپتى عالامشاردىڭ قايدا ورنالاسقانىن «ۇمىتىپ قالۋىنا» اكەلۋى مۇمكىن ەكەنىن ايتىپ، كەلەمەج ەتتى.

ترامپ جاريالاعان كارتادا امەريكا تۋىمەن كۋبادان بولەك كانادا، مەكسيكا، يسلانديا، سونداي-اق كاريب باسسەينى مەن ورتالىق امەريكانىڭ بىرقاتار ەلدەرى بەلگىلەنگەن.

Abai.kz