«Bank RBK» اق-دان 144 ميلليارد تەڭگە جىمقىردى دەگەن ايىپپەن ۇزاق مەرزىمگە سوتتالعان بۇرىنعى بانكير جومارت ەرتاەۆ بوستاندىققا شىعادى. بۇل تۋرالى جۋرناليست ميحايل كوزاچكوۆ حابارلادى.

«ەكس-بانكير جومارت ەرتاەۆ بوستاندىققا شىعادى – بۇگىن ونىڭ جازا وتەۋ مەرزىمى اياقتالدى», — دەپ جازدى كوزاچكوۆ سارسەنبى كۇنى ءوزىنىڭ Telegram-ارناسىندا.

كازتاگ رەداكتسياسى تۇسىنىكتەمە الۋ ءۇشىن قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتىنىڭ (قاجك) ءباسپاسوز قىزمەتىنە حابارلاستى.

ءىستىڭ حرونولوگياسى

• 2020 جىلعى 16 قاراشا: «Bank RBK» اق-داعى قاراجاتتى جىمقىرۋ ءىسى بويىنشا العاشقى ۇكىم شىقتى. بۇرىنعى بانكير جومارت ەرتاەۆ بانكتەن 144 ميلليارد تەڭگە ۇرلادى دەپ ايىپتالىپ، مۇلكى تاركىلەنىپ، 10 جىل مەرزىمگە بانك قىزمەتىمەن اينالىسۋ قۇقىعىنان ايىرىلا وتىرىپ، 11 جىلعا باس بوستاندىعىنان ايىرىلدى. سول كەزدە كاسىپكەر باقىت يبراگيم دە مۇلكى تاركىلەنىپ، 8 جىلعا سوتتالعان بولاتىن.

• 2021 جىلعى 14 مامىر: ەرتاەۆقا، يبراگيمگە جانە ءىستىڭ بىرقاتار وزگە دە فيگۋرانتتارىنا قاتىستى ۇكىم جەڭىلدەتىلگەنىمەن، ەرتاەۆ تا، يبراگيم دە تەمىرتور ارتىندا قالدى.

• 2022 جىلعى 17 ماۋسىم: ەرتاەۆتىڭ جاڭا قىلمىستىق ءىس بويىنشا فيگۋرانت اتانۋى تۋرالى حابار تارادى.

• 2025 جىلعى 3 قىركۇيەك: ەرتاەۆتى بوستاندىققا بوساتۋ تۋرالى شەشىم قابىلدانعانى حابارلانىپ، سالدەن سوڭ ونىڭ بوساتىلعانى جونىندە دە اقپارات شىقتى. دەگەنمەن، 1 قازاندا ءماجىلىس دەپۋتاتى ابزال قۇسپان بانكيردى بوساتۋ تۋرالى شەشىمنىڭ كۇشى جويىلعانىن مالىمدەدى.

• 2025 جىلعى 2 قازان: قاجك وكىلدەرى ەرتاەۆتىڭ ءالى دە قاماۋدا ەكەنىن رەسمي تۇردە راستادى.

Abai.kz